Abortuaren aurkako jazarpena sufritzen dutela salatu du Askabide klinikak Gasteizko Parlamentuan
Askabide klinikako langileen ordezkaritza batek agerraldia egin du Gasteizko Parlamentuan, klinika horretako langileek eta bertara haurdunaldia eteteko joaten diren emakumeek bizi duten egoera azaltzeko: izan ere, abortuaren aurkako 40 días por la vida mugimenduak mehatxu eta jazarpen kanpainak egin izan ditu Gasteiz, Bilbo eta Donostiako zentroetan.
Giza Eskubide, Berdintasun eta Justizia Batzordean egin dute agerraldia EH Bilduren bidez. Azaldu dutenez, 2014an hasi ziren protesta esporadikoak, baina mobilizazioak «areagotu» egin ziren 2022an, abortuaren legearen erreforma onartu aurreko asteetan. Erreforma horrek jasotzen du delitua dela haurdunaldia borondatez eteteko klinika batera joaten diren emakumeen aurkako jazarpena.
Klinikako langileek azaldu dutenez, protesta horiek batez ere Gasteizko zentroari eragiten diote, eta Espainiako Estatu osoko pertsonak joaten dira. Antolatzaileek autobusak ematen omen dizkiete bertara joateko.
Abortatzeko eskubidearen aurkako jazarpena
Kontzentrazio horietan, azaldu dutenez, kliniketara joaten diren langileen eta emakumeen aurkako mehatxuak eta bigiliak egiten dituzte. Jazarpenaren adibide gisa, «hiltzaile» deitzen dietela azaldu dute eta “ordaina” jasoko dutela.
Klinikak salaketak aurkeztu dituenetan, identifikatu dituzten pertsonen «ehuneko ehunek» urruntze-agindua jaso dute eta, beraz, ezin dira hurbildu osasun-zentrotik ehun metro baino gutxiagora. Hala ere, argi dute salaketa indibidualak banan-banan jartzea ez dela aurre egiteko bide baliagarria.
Lakuako Gobernuari ardura hartzeko eskaera
Horregatik, instituzioei “laguntza” eskatu diete. Besteak beste, Eusko Jaurlaritzari auzitegietan hasitako prozeduretan presente egon dadila, “erantzukizuna” duelako kliniketara jotzen duten emakumeak babesteko. Izan ere, Askabide klinikara jotzen duten emakumeen %99a Osakidetzatik bideratuta joaten dira, baieztatu dutenez.
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".