Protestak eragin ditu pandemiaren ondoren Veneziako kanaletik irten den lehen itsasontzi handiak
Herritarrek ontzi handiek sortzen dituzten kalte ekologikoak salatu dituzte.
Pandemiaren eraginez, hemezortzi hilabetez geldi egon da itsas-bidaietarako ontzien trafikoa Venezian. Larunbatean berrabiarazi dute jarduera, eta lehen itsasontzi handia igaro da kanaletik. Horren harira, ehunka biztanle eta eragilek protesta egin dute zehar bidaietako eta edukiontzi motako itsasontziek sortzen dituzten kalte ekologikoak salatzeko.
Urte eta erdiren ondoren, ekainaren 5ean hasi da berriz itsasontzi handien trafikoa Venezian. Kroazia eta Greziatik bira egingo duen 92.000 tonako MSC Orchestra ontzia izan da pandemiaren ondoren igaro den lehenengoa. Jarduera turistiko horrek Veneziako ekonomiaren zati handi bat hartzen du, eta hainbat eragile pozik agertu dira blokeoa amaitu delako. Baina herritar askok aurka egin dute: ehundik gora irten dira kalera zein kanaletara, ontzi txikietan, “itsasontzi handirik ez” lelopean, jarduera horrek sortzen dituen kalteak salatzeko eta gobernuari erantzukizuna eskatzeko.
Herritarrek adierazi dute pandemiaren ondorioz egoera hobetu egin dela, baina lehengo moduetara bueltatuz gero, kalte ekologikoak egongo direla salatu dute: lurraren erosioa eta kutsadura, bereziki. Arrazoi horiek medio, Reuters agentziaren arabera, apirilean Italiako Gobernuak debekatu egin zuen zeharreko bidaietarako eta edukiontzi gisako ontzi handiek Veneziako alde historikotik nabegatzea. Halere, debekua ez da oraindik indarrean sartu, kanaletik kanpoko itsasontzientzako terminalak ez daudelako prest, beren eraikuntza planak ez dira lizitatu, eta biztanleek beste neurri batzuk har daitezen eskatu dute.
Konpotzeko bideak
UNESCO erakundeak 2012an Italiako Gobernuari Venezian itsasontzi handien trafikoa kontrolatzeko neurriak hartu zitzala eskatu zion. 2019. urtean, berriz, urtebeteko epea eman zitzaien agintariei arazoa konpontzeko, egin ezean, Veneziako alde historikoari emandako “gizateriaren ondarea” titulua kenduko ziotela esanez.
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure... [+]
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi die desparekotasuna, eta trenbidea merketzeko neurriak eskatu ditu.
Garmendi mendi gidaritza zerbitzuaren bitartez zeharkaldi eta ateraldiak antolatzen ditu Ibai Iturriak. Argitara eman diren datuekin kezkatuta, mendian "kontzientziaz eta arduraz" jokatzearen beharra azpimarratu du.
Txinako Qinghai enpresak atzera egin eta ez ditu 257 milioi euro inbertituko potasa meategi proiektuan. Finantzaketarik gabe ez ezik, Muga meategia ustiatzeko lizentzia ere ez du proiektuak, 2024ko urrian Nafarroako Justizia Auzitegiak bertan behera utzi... [+]
Bero boladek, haizeak eta lehorteek suteak pizteko aukerak bikoiztu dituzte Europan. Portugal, Espainia, Grezia eta Turkia pairatzen ari dira suterik handienak. Milaka suhiltzaile eta herritar ari dira suaren kontra borrokan Europa hegoaldeko herrialdeetan.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
Ostiraletik aurrera ur murrizketak ezarriko dituzte Euskal Hirigune Elkargoak barne hartzen dituen eta alerta egoeran dauden 158 herritan, eta metereologia zerbitzuek abisu horia ezarri dute trumoien arriskuagatik. Hego Euskal Herrian, berriz, leku ugaritako termometroek 40... [+]
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.
Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]
Eusko Jaurlaritzako Industria, Trantsizio Energetiko eta Jasangarritasun sailak ingurumen baimena ukatu dio Piaspe egitasmoari, Statkraft enpresak Azpeitia, Zestoa eta Errezil artean eraiki nahi dituen errotek eta argindarra garraiatzeko azpiegiturek eragingo... [+]
Suhiltzaileek itzaltze lanetan jarraitzen duten arren, egonkortu dute kontrolik gabeko sutea. Espainiako Gobernuak larrialdi aurreko faserako plana onartu du, autonomia erkidegoen eta Espainiako Gobernuaren arteko komunikazioa hobetzeko; dena den, larrialdien kudeaketa autonomia... [+]
Larunbat gauean hasi zen sutea Zarrakaztelu eta Figerol lotzen dituen errepideko pinudi batean. Herritarrentzat arriskurik ez dago momentuz, gobernuak adierazi duenez. Gizakiek eragindako sutea dela jakinarazi du gobernuak.
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.