Proposamena atzera bota eta euskara teknikari lanpostua ezarriko dute Amurrioko Udalean
Amurrioko Udalak euskara teknikari lanpostua ezabatu zutela salatu zuen Aiaraldeako Euskalgintza Kontseiluak. Alkatearekin eta euskara zinegotziarekin bildu ostean, euskararen alorrean %100ean jardungo duen teknikari bat ezarriko dutela adostu dute, Kontseiluak berak jakinarazi duenez.
EAJk eta PSE-EEk Amurrioko Udalean euskara teknikaririk ez jartzea erabaki zutela salatu zuen duela egun batzuk Aiaraldeako Euskalgintza Kontseiluak. Horren aurrean hainbat ekimen jarri zituen martxan, hala nola kexak erregistratzea. Amurrioko alkate Txerra Molinuevorekin eta euskara zinegotzi Arantzazu Saratxaga de Islarekin bildu ostean, ordea, “hainbat konpromiso" hartzeko ardura adierazi zuen udalak, besteak beste, %100ean euskararen alorrean arituko den langile bat kontratatzea.
Kontseiluak begi onez ikusi du azken erabakia, beti ere “hitzeman bezala betetzekotan”. Gauzak horrela, hurrengo egunetako ekimenak bertan behera uztea erabaki eta “aurrerapausoak lortzea” elkartearen genetikan dagoela azpimarratu du.
Elkarretaratzea egin dute Iruñeko Udal Plazan datorren ikasturtean Donibane, Mendillorri eta Printzearen Harresi Udal Haur Eskolak murgiltze ereduan (euskara hutsean) bilakatzeko eskariarekin.
Egoera tirabiratsua bizi dute Beskoitzeko ikastolako gurasoek herriko etxearekin. Herriko gelak baliatzeko debekuak, baimen ezeztatzeak edota jantegi publikoan bazkaltzeko mugak...
Oldarraldi judizialaz harago, egunerokoan hartzen diren beste hainbat erabakitan ere hizkuntza eskubideak eta euskararen normalizazioa baldintzatu edo mugatzen da, izan arau ezberdinak (Nafarroa osoan ofizialtasuna ezarri nahi ez izana edo EAEko kontsumitzaile eta erabiltzaileen... [+]
Larunbateko manifestazioaren balorazioa egin du Euskalgintzaren Kontseiluak asteartean eginiko prentsa agerraldian. Mobilizazioaren arrakastaren ondoren, euskararen aldeko itun soziopolitiko berri bat indar handiagoz sustatzen jarraitzeko konpromisoa agertu du. Oldarraldiaren... [+]