Proposamen berria luzatu die Tubacexeko zuzendaritzak langileei, baina uko egin dio langileak berronartzeari
Ostiralean 100 egun beteko dituzte Aiaraldeko langileek greba mugagabean. Mobilizazioa egingo dute 12:00etan Laudion.
Gutun irekia bidali die Jesus Esmorisek Tubacexeko langileei. Orain arte zuzendaritzak esandakoa errepikatu du multinazionaleko kontseilari delegatuak. Alde batetik, aipatu du Tubacexek bizi duen “gatazka sozialak” petrolio eta gasaren sektoreko “krisi estrukturalean” duela jatorria, eta horrek derrigortu diela Tubacex taldeko lantegi askoen “tamaina eta kostea” moldatzera.
Grebak kalte ekonomiko, komertzial zein industrial larria sortzen ari dela nabarmendu du Esmorisek, eta berau luzatzeak “lantegientzako ondorio konponezinak” eragingo dituela.
Hala ere, Esmorisek ziurtatu du ez dutela enpresa deslokalizatzeko edota langileei murrizketak ezartzeko inolako asmorik, Aiaraldeko lantegietan 100 milioi euro baino gehiago inbertitu dituztela nabarmenduta. Baina, era berean, gaineratu du orain dagoen “egoera kontrolaezinak” arriskuan jarri dezakeela zuzendaritzak eskualdeko fabrikekiko hartutako konpromisoa.
Kontseilari delegatuak Enpresa Batzordearen gain jarri du gertatutakoaren gaineko ardura, zuzendaritzak lan baldintzak murrizteko eskaintza egin zuela argudiatuta, modu horretan kaleratzeak ekiditeko. “Ordezkari sindikalak ez ziren inoiz iritsi alde horretatik proposamen bat egitera”, azaldu du enpresako buruak.
Proposamena
Gutunarekin batera, proposamen bat luzatu die zuzendariak langileei. Alde batetik, kaleratutako langileei kalte-ordaina handitzea planteatu du. Era berean, hurrengo bi urteetan barne promozio bidez betetzen ez diren lanpostuen %50a kaleratutako langileei eskaintzea proposatzen du. Dena den, enpresa izango litzateke kasu horretan nor kontratatu eta nor erabakiko lukeena, eta lan-baldintzak “indibidualki” negoziatuko lirateke.
Horrez gain, “lan hitzarmeneko oinarrizko baldintzak” 2024. urtera arte mantentzeko konpromisoa hartzen du Esmorisek. Idatzizko proposamenaren arabera, orain dauden lanpostuak mantentzeko konpromisoa hartuko luke multinazionalak datozen hiru urteetarako. Hala ere, kontseilari delegatuak argi utzi du ez lukeela lan-hitzarmenean jasotzen dena ehuneko ehunean beteko, urte amaierarako aurreikusten den soldata igoera bertan behera geratuko litzatekeelako, adibidez.
Era berean, Esmorisek uko egin dio kaleratutako langileak berriz onartzeari, “langileen kostuak handitzea” ezinezkoa dela argudiatuta.
Iraungitze-data
Proposamenak iraungitze-data duela nabarmendu du Esmorisek. Honakoa eskatu die kontseilari delegatuak langileei: lanera maiatzaren 31a baino lehen itzultzea, greba bertan behera utzita. “Hori egin ezean, ezingo da proposamena bermatu”.
100 egun greban
Ostiralean 100 egun beteko dira Tubacexeko langileek greba mugagabea hasi zutenetik. Enpresa Batzordeak mobilizazioa egingo du egun horretan, 12:00etan Laudioko lantegiaren sarreratik abiatuta.
Aldaketak zuzendaritzan
Tubacexeko zuzendaritzak langileei bidalitako gutunak bat egin du denboran enpresari lotutako beste albiste batekin. Zenbait hedabidek aurreratu dutenez, Alvaro Videgainek multinazionaleko presidente izateari utziko dio laster, postu horretan 28 urte egon ostean. Francisco Garcia Sanzek hartuko du bere lekukoa, Volkswagen presidenteorde ohiak. Aurreikuspenen arabera, ekainaren amaieran emango da aldaketa, akziodunen batzarra egiten denean.
Manuel Casal Lodeiro (Barakaldo, 1970) informatikaria eta gai energetiko eta ekosozialen inguruko aktibista eta dibulgatzailea da. Besteak beste, 15/15/15 aldizkari eleanitza eta Galiziako Instituto Resiliencia koordinatzen ditu, eta Véspera de Nada por unha Galiza sen... [+]
Burujabetzan sakontzeko egitasmoa da Oiartzun Burujabe proiektua, udalaren, herriko ehun ekonomikoaren eta herritarren artean bultzatu dutena. “Oiartzungo herritarrek bertako baliabideak eta produktuak, bertan ekoizten dena erabiltzea bultzatu nahi dugu, kanpoko... [+]
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
Zuzendaritzak aurkeztutako Enplegu-erregulazioko espedientea (EEE) atzera bota eta "irtenbide bat bilatzeko negoziaketak hasteko helburuz", Agurain eta Legasako ArcelorMittal enpresako langileek greba mugagabeari ekingo diote.
REE Red Electrica Española-ren Euskadiko, Nafarroako eta Kantabriako ordezkari Antonio Gonzalez Urquijo egon da ostegun honetan Gatikako azpiestazio elektrikoan, kazetariekin batera.
Horbel kooperatibaren proiektu bati esker, errefuxiatuen kanpamenduetan bizi diren Saharako hamabi haur hartuko dituzte bi hilabetez Goierriko udalerri horretan. Orkli kooperatibaren Orklidea ekimeneko dirulaguntza jaso du proiektuak.
Hamar urteko epea dute NATOko estatu-kideek helburu hori lortzeko. Espainiak ere sinatu du akordioa, baina, aldi berean, Mark Rutte aliantza atlantikoko idazkari nagusiaren gutun bat eskuratu du Pedro Sánchezek, ustez "malgutasuna" emango liokeena. Donald Trumpek... [+]
Hilabeteetako protesten ostean, TCC enpresako zuzendaritzak ez du aurrera urratsik egin eta langileek leher egin dute. Greba mugagabera doaz, baita sanferminetako ez ohiko zerbitzuetan ere. “Enpresak erantzukizunez jokatuko balu saihestu litekeen zerbait” dio langile... [+]
Sindikatuak adierazi du bi ospitale horietan behin-behinekotasunean daudela langile gehienak, eta ordezkapenak ez direla bermatzen; ondorioz, langileen lan-karga areagotzen dela. Gehitu du larrialdi zerbitzuetan “gainkarga” dagoela.
Reggaetonarekin eta antzekoekin, musika estilo bat ez ezik, Puerto Ricok beste ideia bat zabaldu du mundu osora: turistifikazioaren eta iragan kolonialaren artean dagoen lotura estua. Milioika jarraitzaile dituen Bad Bunny artista da mezu horren bozgorailu. Azken diskoan Jorell... [+]
ESK eta LAB sindikatuek jakinarazi dutenez, lorezainek greba egiteko duten zilegitasuna aldarrikatu nahi izan dute ekintza ikusgarri honen bitartez. PSE eta EAJren gobernu-taldea seinalatu dute erantzule nagusi gisa, "Green Capital markaren atzean hiriaren ikurra zaintzen... [+]
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
.jpeg)
Lanpostuak, emakumeak artatzeko egonaldi ertaineko harrera zerbitzua eta aurrekontua murriztu ditu Aldundiak.
2024ko urtarrilean Arberoako Lurra eta Etxebizitza kolektiboak Hazparneko Puyo agentzia okupatu zuen. Ekainaren 20an elkarretaratzea egin zuten ekintzaileei babesa emateko.
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]