COVID-19 dela-eta, Txileko Gobernuak presoen herena askatu du, baina 13.321 preso horien artean bat bera ere ez, preso politiko maputxerik (egun 26 dira). Lau hilabetez gose greba egin dute eta horietatik hamaseik egarri greba ere hasi dute.
Tanya H. Medina kazetariak landu du erreportajea El Salto hedabidean. Gose greban luze dirauten preso hauetatik hamaika ospitaleratuak izan dira eta haien egoera larria da. 26 preso maputxeak hiru kartzelatan daude preso. Horietako batzuk kondenatuak izan dira dagoeneko, eta beste batzuek hilabeteak daramatzate preso, epaiketa zain.
Lebuko kartzelako preso politiko maputxeek abuztuaren 28ko komunikatu honetan salatu dutenez, beren moduluko funtzionarioen artean COVID-19 kasuak baieztatu dira, eta hiru preso politiko maputxek sintomak dituzte. Gose grebaren ondorioz sintoma larriak (takikardiak eta beste) dituztenak ere ez dituzte kartzeletako medikuek behar bezala artatzen, eta presoen konfiantzazko medikuei ukatu egin diete kartzeletara sartzea. Preso hauen egoera larria ezkutatzen ari dela salatu dute.
Kartzeletatik kanpo, familiek kanpamendua sortu dute, bertatik Gobernuari egunero eskatzeko erreakzionatu dezan. Herrialdean zehar elkartasun martxak eta protestak egiten ari dira.
Txileko Gobernuak 2008an sinatu zuen 169 Hitzarmena bete dezala eskatzen dute. Dokumentu horrek herri gisa aitortzen ditu Maputxeak, eta beren lur eta lurraldearen gaineko eskubideak ematen dizkie, baita beren hizkuntza, nortasuna, hezkuntza eta osasuna kudeatzeko ere. Nazioarteko dokumentu horrek baita ere dio eremu penalean, jatorrizko herriek beren kulturarekin bat datozen neurri bereziak izango dituztela, eta kartzelaren aurrean lehentasuna emango zaiela bestelako zigorrei. Pandemia garaian hau inoiz baino beharrezkoagoa dela salatu dute.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]