Hainbat ezezagunek Bizkaiko Foru Aldundiaren ibilgailu batzuk erre zituzten abenduaren 4an. Berria-ri jakinarazi diotenez, preso gaixoen askatasuna eskatzeko eta zentsura gainditzeko egin zuten erasoa.
Berria-k jaso duenez, ekintzaren egileek Frantziako eta Espainiako gobernuen jokabidea kritikatu dute, “egoera okerrenean dauden presoak errukirik gabe” tratatzeagatik. Presoak damutzea beste estrategiarik ez izatea leporatu diete Madril eta Parisi.
Halaber, euskal gizartearen epelkeriaren aurka azaldu dira. “Euskal Herriak ez du presiorako gaitasun nahikorik erakusten. Konfrontazio estrategiarik gabe bidegabekeria hauei ateak zabalik uzten dizkiegu”, adierazi dute.
Gaiaren inguruko zentsura salatu dute azkenik. Izan ere, “kritika zorrotza” egin diete presoen askatasunaren alde egonda haien borrokaldiei muzin egiten dieten guztiei. “Batzuentzat 100 egun baino gehiagoko borrokak ez du aipamenik merezi, eta ahal den guztietan ezkutatu egin dute preso gaixoen askatasuna eskatzeko zenbait kartzelatan txandaka egiten ari diren gose greba”.
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.
Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]