"Postalen atzeko prekarietatea" borrokatzeko prest agertu da Ernai Gasteizen

  • 500 lagun inguru batu dira astelehenean Gasteizen Ernaik deitutako manifestazioan. Azken egunetan hedabideek “turismoaren kontrako” gisa defnitu izanak ikusmira sortu du, bozeramaileek behin eta berriro gezurtatu duten arren.

Xalba Ramirez @xalbaram
2017ko abuztuaren 08a

Ernaiko bozeramaile Lur Albizuk argi esan du egiten ari diren kanpaina ez dela turismoaren kontrakoa, turismo eredu masiboaren aurkakoa baizik: “lan prekarietatea, behin-behinekotasuna eta etxebizitzaren espekulazioa dakarrelako eredu honek, gutxi batzuen mesedetan”.

Alderdiek "eztabaida desitxuratzeko sortutako polemika interesatua" salatu dute, baita hedabideen manipulazioa ere. Manifestazioa “telebista manipulatzailea” oihuekin hasi da.

Hainbat ekimen egin dituzte martxan zehar. “EAJk inposatu nahi digun herri ereduaren gainean, bizirik dagoen herri bat badagoelako. Antolatu eta borrokatzeko prest dagoen gazteria garelako”.

Datorren abuztuaren 17an Gernika-Lumon eta Donostian egingo dituzte manifestazioak.

Ekimenen argazkiak:

Manifestazioaren amaiera Andra Mari Zurian (Arg.: @ernaigazte)
Banketxeak prekarietatearen ernatzule egin dituzte: "Ez gara esklabuak" (Arg.: @ernaigazte)
Ertzaintzak Gasteizko txosnetatik presoen argazkiak kendu izana leporatu diote Jaurlaritzari (Arg.: @ernaigazte)

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ernai  |  Gasteiz  |  Turismo masiboa  |  Gasteizko Jaiak

Ernai kanaletik interesatuko zaizu...
Eguneraketa berriak daude