Bizkaiko Gazte Euskaltzaleen Topaketak goizeko 10:00etan abiatu dira eta egun osoko egitaraua dute aurretik. Bazkariaz, mahai inguruez eta kontzertuez gozatzeko aukera egongo da, besteak beste, Portugaleteko merkatuan.
Giroan sartzeko gosariaren ostean, lau taldetan banatu dira gazteak eta “Euskararen errealitatea osatuz” dinamikari ekin diote, “nondik gatozen ezaugutu eta nora goazen jakiteko”. Hainbat galdera planteatu zaizkie parte hartzaileei, esaterako, ea euskara politikoa den, euskalkiak egokiak diren erregistro formaletan edota Euskaraldiak mugak dituen.
Iiritzi desberdinak elkarbanatu ostean, eten bat egin dute eta berehala ekin diote hurrengo eztabida txandari: “Zer gara euskaraz ari garenean?”. Norbanako moduan euskaraz ari direnean dituzten indarguneak, ahulguneak, aukerak eta arriskuak zeintzuk diren azaltzen hasi dira. Hala ere, norbanakotik kolektibora jauzi eginez, euskalgintzak eta gazte mugimenduek dituzten erronkak, indarguneak eta ahulguneak ere jarriko dituzte mahai gainean. “Euskara al da gure territorio libre bakarra?”, galderari erantzuna bilatzeko asmoarekin abiatutako dinamika da hau.
Sukaldean goizean goizetik ari dira lanean, Portugaleteko Merkatura hurbildu diren gazte euskaltzaleentzako bazkaria prestatzen. Goizeko dinamikak bukatutakoan, bazkaltzeko txanda iritsiko da, eta honen ostean, “euskarak baditu mila aurpegi” mahai ingurua eta “Eraikitzera bidean” eztabaida txanda. Topaketak ixteko, gauean, kontzertuak egongo dira, Ziztada & Rlantz eta Mugalari taldeen eskutik.
Argazki gehiago:
Albiste hau Topatuk argitaratu du eta CC-by-sa lizentziari esker ekarri dugu ARGIAra.
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Jaime Altunak Hizkuntzaren funanbulistak. Hizkuntza-sozializazioa kirol eremuan adin eta generoan ardaztuta doktoretza tesia uztailean bukatu du. Gaiaren ezagutza sakonetik eta aurrez beste ikerlariek idatzitakotik hurbildu da begirada berezi bezain zorrotzaz Gipuzkoako zenbait... [+]
Audiogidak frantsezez, alemanez, ingelesez eta gaztelaniaz daude. Biarritzeko turismo bulegoko zuzendari Genevieve Fontainek argudiatu du euskara ez dela “berehalako eskarietako bat”.
Haurren aurrean helduok heldu ekimena urriaren 19tik 29ra egingo da Hego Euskal Herriko 80 herritan. Protagonistak, batez ere, gurasoak izango dira eta bi helburu azpimarratu ditu Euskaltzaleen Topagunea antolatzaileak: batetik, gurasoek hizkuntza ohiturak aldatzeko pausoak... [+]