Egitarau oparoak antolatu dituzte Poesiaren Nazioarteko Egunaren harira
Bilbon, Donostian eta Iruñean Poesiaren Nazioarteko Eguna ospatzeko egitarau oparoak antolatu dituzte. Errezitaldi, solasaldi eta ikuskizunak gozatzeko aukera egongo da aste honetan zehar.
Poesiaren Nazioarteko Eguna izan zen atzo, martxoaren 21a. Urtero hamaika ekitaldi antolatu ohi dira aitzakia horren bueltan, literatura oro har eta poesia bereziki paperetik ahotsera eraman eta ikusgarriago egiteko. Osasun larrialdi egoerak mugatuta bada ere, poesiaren eta literaturaren inguruko egitarau oparoak antolatu dira aurten ere Bilbon, Donostian eta Iruñean, besteak beste. Atzo dagoeneko zenbait ekitaldi egin bazituzten ere aste honetan zehar beste hainbat gozatzeko aukera egongo da.
Bilbo
Hilaren 15ean abiatu zen Bilbao Poesia jaialdia, eta aste honetan amaituko da. Leire Bilbao, Itziar Minguez, Beatriz Chivite eta Julia Pierak “Bilbao – Londres” errezitaldia eskainiko dute gaur Bidebarrieta Liburutegian, 19:00etan.
Bihar, martxoak 23, “Gaztelondo zer berri. Etxahun” kabaret formako ikuskizunaz gozatzeko aukera egongo da. Dominika Rekalt, Mixel Etxekopar, Pierre Vissler eta Jean Christian Galtxetaburu arituko dira taula gainean, Pierre Topet Etxahunen bizitza eta obra hitzez eta kantuz emanez. Loraldia festibalaren baitan egingo da emanaldia, Bidebarrieta Liburutegian, 19:00etan.
Asteazkenean, martxoaren 24an, amaituko da Bilbao Poesia jaialdia, José Fernandez de la Sotaren errezitaldiarekin. Joé Luis Canal pianistak lagunduko du pianoan. Bidebarrieta Liburutegian izango da hitzordua, 19:00etan.
Aste honetan amaituko da Loraldia jaialdia Bilbon, eta bihar hasiko da Gutun Zuria letren nazioarteko jaialdia, Anariren eta Iñigo Astizen arteko “Inon izatekotan” solasaldiarekin.
Donostia
Gaur hasiko da Poesialdia Donostiako Poesiaren Astea, eta ostiralera bitartean askotariko saioak egingo dituzte. Astea hasteko Itxaro Borda bere poesiagintzaz arituko da Iratxe Retolazarekin, eta zenbait poema errezitatuko ditu. 19:00etan izango da, Ernest Lluch Kultur Etxeko areto nagusian. Aurrez izena eman behar da amarakulturetxea@donostia.eus helbidean.
Bihar, palindromo-jokoen bueltan osatutako "Ulu, ala, ele, Abere ba" ikuskizuna eskainiko dute Victoria Eugenia Club aretoan, 19:00etan. Bigara bikotearen Abere ba palindromo ilustratuen piztegia liburuan oinarrituta, Amorante eta Okene Abrego musikariekin batera ondutako ikuskizuna da. Sarrerak bukatu direnez bigarren emanaldi bat egingo dute martxoaren 26an; gonbidapenak donostiakoliburutegiak@donostia.eus helbidean eska daitezke.
Asteazkenean, Luis Garcia Montero eta Itziar Minguez poetak solasean arituko dira Garcia Monteroren obraz eta ibilbideaz, Ernest Lluch Kultur Etxeko areto nagusian, 19:00etan. Izena eman behar da amarakulturetxea@donostia.eus helbidean.
Ostegunean amaituko da Poesialdia jaialdiaren egitaraua, IV. Donostia Kultura Poesia Lehiaketaren sari banaketarekin. 11:00etan izango da, Liburutegi Nagusiko San Jeronimo aretoan. Gonbidapenak donostiakoliburutegiak@donostia.eus helbidean eska daitezke.
Iruñea
Atzo egin zituzten lehen ekitaldiak Iruñean ere, Sheila Blancok 27ko belaunaldiko zenbait idazleri egindako omenaldiarekin eta Antton Valverderen kontzertuarekin. Gaur Oihane Garmendiak eskainiko du saioa. Bidaia (H)ariketak lanarekin Iruñea Hiria Saria irabazi zuen Garmendiak, eta bere lana partekatu eta Nafarroako euskarazko poesiagintzaren panoramari buruz arituko da Condestablen, 19:00etan.
Asteartean 80ko hamarkadan jaiotako poetei buruzko saio bat eskainiko dute Verónica Arandak eta Aitor Francosek, Javier Asiáinek gidatuta. Condestablen izango da, 19:00etan. Asteazkenean amaituko da egitaraua, Sr. Vértigoren “Planeta Poesía” ikuskizunarekin.
Ane Zubeldiak (Hondarribia, 1994) eta Eider Adeletxek (Pasaia, 1995) osatzen dute Mejillon Tigre kolektiboa. 2016tik 2019ra Autobiographikal saioa egin zuten, hainbat emakume poeten lanak biltzen zituen zuzenekoa; eta ordutik beste hainbat proiektu ere egin dituzte bakarka... [+]
Bidaide eta gogaide XVII. mendeko Arnaud Oihenarteren Atsotitzak eta neurtitzak liburuan kausitu dezakezu, eta bidean kausitu eta gustura ondoan harturiko bidai-lagunari erraten zitzaion "gogaide". Aurelia Arkotxak ekarri zuen gurera, Zubiburu solasaldian, hain justu... [+]
Gasteizko Gaztetxean batzen den Azpimarra irakurle taldeak antolatu ditu topaketak. Ostegunean stand-up ikuskizun batekin hasita, Xabier Montoiaren eta Maddi Sarasuaren arteko mahai inguruarekin amaituko dituzte jardunaldiak, osteko Azpimarraren poesia ekitaldi musikatuarekin.
Bidaide eta gogaide XVII. mendeko Arnaud Oihenarteren Atsotitzak eta neurtitzak liburuan kausitu dezakezu, eta bidean kausitu eta gustura ondoan harturiko bidai-lagunari erraten zitzaion "gogaide". Aurelia Arkotxak ekarri zuen gurera, Zubiburu solasaldian, hain justu... [+]
2014an sortu zuen Susa argitaletxeak MPK Munduko Poesia Kaierak bilduma, beste hizkuntza eta lurralde batzuetako poetak antologia-formatu zainduan euskarara ekartzeko asmoz. Ordutik, 53 kaier eman dituzte. 2021etik bildumaren zuzendaritzan ari dira Maialen Berasategi eta Isabel... [+]
2015eko urtarriletik maiatzera bitartean, 25 urterekin ikasketak amaitu ondoren, Irati Astobieta laguna eta biok Txilen, Argentinan eta Uruguain zehar ibili ginen Kalabazan Ibiltaria proiektuaren barruan. Poesia xuxurlatua tresna poetikoa baliatuz euskal poemak ahotik belarrira... [+]
Istorioetan murgildu eta munduak eraikitzea gustuko du Iosune de Goñi García argazkilari, idazle eta itzultzaileak (Burlata, Nafarroa, 1993). Zaurietatik, gorputzetik eta minetik sortzen du askotan. Desgaitua eta gaixo kronikoa da, eta artea erabiltzen du... [+]
Ekintzailetza modan dago. Kontzeptuak indarra hartu du eta hiztegi ekonomikotik askoz harago zabaldu da. Just do it: egizu, besterik gabe. Baina ez dezagun ahaztu: propagandaren mundutik dator leloa. Erosle-ekintzaile aktiboak izatea ote da hitzaren mozorroa? Egungo enpresariek... [+]
Artea eta zientzia elkarrengandik oso urrun egon daitezkeela dirudien arren, biak gustuko ditu Maider Mimi (Maider Triviño) zientzialari eta artistak (Aretxabaleta, Gipuzkoa, 1997). Ikerkuntzan, antzerkian, musikan, bakarrizketetan, poesian eta beste gauza askotan dabil... [+]
Urriaren 14an 91 urte bete dira bilbotar idazlea jaio zenetik. Errota gorria poema eta idazleak dedikaturiko argazki bat Jon Kortazar EHUko katedradunaren esku utzi ditu Zubiri Moragues familiak. Orain arte ezezaguna zen olerkia laster argitaratuko dutela ziurtatu du... [+]
Zuk, nik eta inguratzen gaituzten pertsona guztiek partekatzen dugun oinarrira jo du Rakel Pardo Perezek (Urdazubi, 1995) bere lehenengo poesia-liburua ardazteko: gizatasunera. Zer esan nahi du gizaki izateak? Zerk ematen digu existentzia, eta zer egin dezakegu emana datorkigun... [+]
Neguko naretasun hotz eta lur etzearen ostean etor daitekeenaren promes izaten da udaberria, eta hainbatek eta hainbatetan idatzi izan diote lora dadin deika. Promesak promes, ordea: ez da inoiz udaberri ziurrik galbidean den lurrean. Ez behintzat aldaketaz edo, zehazki,... [+]
Maiatzaren 22an, Edu Zelaietak eszenaratze berezia eman dio Presbiziak lagundu omen digu (Pamiela, 2024) bere azken poema liburuaren aurkezpenari. Gasteizko Andre Mari Zuriaren enparantzan izan da, Arabako hiriburuko Poetak Maiatzan poesia-jaialdiaren baitan.
Oihane Jakaren poema liburua ireki eta eskaintza bi aurkituko ditugu. Aitari bata, seme-alabei bestea. Aipagarria da, topatuko ditugun poemekin lotura zuzena baitute.
Liburuaren egiturak hiru atal ditu: Hamaika urte, Hamaika hilabete eta Hamaika egun. Hamaika zenbakia asko... [+]
Balea Zuria argitaletxeak kaleratuko du, ekainean, Arrutiren estreinako literatur lana: Arkeologia haragitan.