Hiru gazte hondartzan zeudela gertatu da erasoa. Nerabe talde baten aurretik igaro eta “nihao”, “nin nian”, “chiang” eta antzerako iruzkinak entzun behar izan dituztela azaldu dute, haietaz barre egiten duten bitartean
Nerabe talde baten eskutik Plentziako (Bizkaiko) hondartzan jasandako eraso arrazista salatu dute. Fedibertsoan zabaldu duten oharraren arabera (hariaren lehen zatia, bigarrena, hirugarrena), hondartzatik ateratzean egin diete eraso bi lagun asiarri. “Nin nian”, “nihao” eta “chiang” bezalako iruzkinak entzun behar izan dituztela salatu dute, “jazartzeko eta zirikatzeko” helburuarekin.
Asiar jatorriko pertsona bat ikustean, txineraren antzeko soinuak egitea eta mandarinerazko hitzak ausaz eta garrasika botatzea arrazakeria dela salatu du erasoa jasan duenak; eta gehitu duenez “ziriken jomuga bihurtu naute nire itxura hutsagatik”.
Erasoak eta aurre egitea
“Nihao” hitza “arma” bilakatu dela azpimarratu du, askotan entzuten baita belaunaldi gazteen ahotik gutxiesteko asmoz. Gainera, horrela jokatzen dutenek uste dute hori ez dela arrazakeria, dio nerabeak, eta ez dutela barkamenik eskatzeko borondaterik. Bide batez, erasoak ikusi eta erantzun ez izana “onartezina” dela salatu du.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.