Plastikozko kutsadura: gobernuek beren benetako aurpegia erakutsi dute Plastikozko Poltsarik Gabeko Egunean
Europar Batasuneko estatuak atzera ari dira geratzen erabilera bakarreko plastikozko zorroak debekatu eta plastikozko kutsadura eragozteko bidean, hala ohartarazi dute ZWE Zero Waste Europe eta SFE Surfrider Foundation Europe erakundeek Plastikozko Poltsarik Gabeko Nazioarteko 9. egunean. ZWEeko Ariadna Rodrigok eta SFEko Justine Maillotek sinatu dute hori azaltzen duen txostena.
aurre egingo dieten hedabide independenteak
SFE Surfrider Foundation Europek zabaldu du ZWE Zero Waste Europerekin elkarlanean prestatutako "Oraindik aitzakia bila? Europak garaia du plastikozko poltsen kutsadurari aurre egiteko", aztertuz zertan mamitu den Europar Batasunak 2015ean plastikoak murrizteko hartu zuen erabakia. Hura herrialde bakoitzak bere legedian txertatzeko azken epetik 18 hilabete pasatu direnean, nabarmena da estatu askok hartutako neurriak ahulegiak direla.
SFEren Europako arduraduna den Justine Maillotek esan du: "EBko herrialde askotan hartutako neurriak kasurik onenean ere erdi bidean geratu dira. Ez dago aitzakiarik gehiago atzeratzeko. Gobernuek anbizio handiagoz ekin behar diote plastikozko kutsaduraren krisiari".
Erabilera bakarreko plastikozko zorroak debekatzeko ordea, herrialde gehienek ezarri dituzte komertzioekiko itun borondatezkoak edo plastikozko zorroak kobratzeko araua, eta gainera horiek ere zenbait estatutan datorren urtera arte atzeratu dira. Egia den arren plastikozko poltsen zergak eragin dezakeela aldaketa bat kontsumitzaileen ohituretan, ZWE eta SFEk ohartarazten dute erabilera bakarreko plastikoen desagertarazteko beharrezkoa dela hornitzaileen gain eragitea. Gauzak okertzeko, herrialde askotan plastikoaren gaineko zerga txikiegia da, edo komertzio gutxiegiri eragiten die, benetan aldaketa bat ekartzeko. Erabakiak eguneroko bizian mamitzerakoan kontrola falta dela ere argudiatu dute.
Txostenak azaltzen ditu kezkak zergarik gabe uzten direlako edo oso zerga txikiekin plastiko oso arinezko poltsak eta zorro biodegradagarriak. ZWE eta SFEren ustez honek erakusten du zer nolako kontraesanean dauden plastikozko poltsen kutsaduraren kontrako borroka eta erabili-eta-bota kultura; nabarmentzen dute badaudela gaur ere horientzako alternatibak, erabilera anitzeko poltsa eta otarrak, eta horiei eman behar zaiela lehentasuna.
Break Free From Plastic [Hautsi Plastikoekiko Menpekotasuna] mugimenduaren kide izaki,SFE eta SWEk dei egiten diete Europar Batasuneko estatu kideei urgentziaz Plastikozko Poltsen Zuzentaraua ezarri eta plastikozko poltsen kutsadurari amaiera ezartzeko, benetako ekonomia zirkularra bultzatuz.
Irailaren 2an izango da epaiketa Iruñeko Zigor Arloko 2. epaitegian, ustez 2021ean makroetxaldeak haren inguruko lurrak minden hondakinekin kutsatzeagatik. Sasoi hartan Valle de Odieta makroetxaldeko administrazio kontseiluan ari ziren bost pertsona epaituko dituzte.
Ikerketa batek ondorioztatu du adituek uste baino AMOC korrontearen kolapsoa egoteko aukera handiagoak daudela. Korrontean aldaketa handiek eta azkenengo kolapso batek euri tropikaletan eraldaketa handiak eragingo lituzke, Europan negu oso hotzak eta uda lehorrak izango... [+]
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi die desparekotasuna, eta trenbidea merketzeko neurriak eskatu ditu.
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
220 milioi tona plastiko sortzen ditugu munduan eta %10a soilik birziklatu. Zifra hori, gainera, hamar urtez jarraian ez da aldatu. Iaz zabor plastiko horren herenak gaizki kudeatzeagatik gure inguruko bazter, erreka, itsaso eta atmosferan bukatu zuen. Greenpeacek salatu... [+]
220 milioi tona plastiko sortzen dira munduan eta %10a soilik birziklatzen da, zifra hori hamar urtez mantendu da bere horretan. Hainbat talde ekologistek salatu dute egoera uztailaren 3an, plastikozko poltsarik gabeko nazioarteko egunean.
EHUko Ekopol ikerketa taldearen datuen arabera, Bizkaia da Euskal Herrian ingurumen inpaktu handiena eragiten duen lurraldea, guztizkoaren %52 izanda. Euskal Herrian ingurumen-inpaktu handiena duten 25 industria-instalazioen artean, Muskizeko Petronor petrolio-findegia da... [+]
EAEko 1,3 milioi biztanlek Europar Batasunak 2030erako ezarri berri dituen mugak gainditzen dituen aire kutsatua arnastu zuten 2024an, Ekologistak Martxanek eginiko ikerketaren arabera.
Neurriak orain arte, A etiketadun eta etiketarik gabekoei eragiten zien.
Auzo elkarteak, herri mugimenduak eta ekologistak batu ziren asteazkeneko kontzentrazioan. Lantegien jardueraren amaiera itxaroten ari dira duela hamar urte.
Ekologistak Martxan taldeak ohartarazi ostean Donostiako Ategorrieta hiribide inguruan airearen kutsadura maila oso handia dela, udaletik zalantzan jarri dute erabilitako metodologia eta adierazi dute errepide horretan dagoen estazio ofizialaren datuak hartu behar direla... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]