Plastiko kutsadura mugatzeko negoziaketen azken fasea abiatu du NBEk
Azaroaren 25ean hasi eta abenduaren 1era arte iraunen du Hego Koreako Busan hirian aitzina doan gailurrak. Petrolio ekoizle diren estatuak eta beraien lobbyak oztopoak jartzen dabiltza, ekoizpenaren mugatzerik ez dutelako nahi.
2022ko martxoan Nazio Batuen Erakundeko 175 estatuk "plastiko kutsaduraren bukaeraren" alde egin izanak itxaropena eman bazuen ere, orduz geroztik bidea blokeaturik dute. "Testu hertsagarri" bat osatzeko asmoz abiaturiko negoziaketetan adostasunik ez dute lortzen, eta orain dute bosgarren eta azken aukera, Hego Koreako Busan hirian. Astelehenean abiatu eta larunbata arte iraunen dute elkarrizketek.
Ariketa ez dute erraza, nagusiki petrolio ekoizle diren estatuek eta lobbyek akordioa oztopatzeko determinazioarekin dabiltzalako. Hain zuzen, CO2 isurketak mugatzeko helburua dela-eta erregaien ekoizpena ttipitu behar duten honetan, plastikoaren sektorea bada petrokimikaren sektorearentzat plan B oparoa. Azkenean bi bide kontrajarrien artean dute sokatira: plastikoaren ekoizpena mugatu ala plastikoaren birziklapena sustatu. Bigarren horren alde dira petrolioaren –eta beraz plastikoaren– sustatzaileak. Desazkundearekin bat doan lehen aukeraren alde dira, berriz, Naturaren eta Herrien Aldeko Askonahi Handiaren Koalizioan baturiko 119 estatu. AEB ere plastikoaren ekoizpena gutitzearen alde agertu bazen ere, baliteke jarreraz aldatzea Donald Trump presidentearekin –petrolio ekoizpenaren mugatzea dakarren erabakien aurka delako–. Nahiz eta kopuruz gutiengoan izan, indartsu dira plastikoa ekoizten jarraitu nahi dutenak –tartean, Txina, Saudi Arabia eta Iran–.
Plastikoaren birziklapenaren "iruzurra"
Plastikoaren birziklapenaren alde eragin nahian dabiltza ekoizpenaren mugatzearen aurkakoak. Ingurumenaren aldekoek argiki diote: plastikoaren birziklapena "iruzurra" izateaz gain, "arriskutsua" ere bada. Batetik, oinarrian dagoen plastikoa baino gehiago kutsatzen duelako birziklatuak, ingurumenarentzat eta osagarriarentzat "are arriskutsuago" bihurturik. Nazioarteko Ingurumen Eskubidearen aldeko Zentroak (CIEL) ohartarazi duenari segi, petrolioaren eta kimikaren aldeko 220 lobby daude Hego Koreako gailurrean. Hots, horiek dute ordezkaritza handiena. Alderantziz, jendarte zibileko eta zientifiko independenteek parte hartu ahal izateko "traba finantzario eta logistikoak" dituzte.
Plastiko berriaren ekoizpena bikoiztu egin da 2000 eta 2020 urteen artean –hirukoiztuko da 2060rako, aldaketarik bideratu ezean–. Birziklapenaren soluzioaren mezuarekin itxura eta kontzientzia garbitzen dabiltza, ekoizpenarekin segitu ahal izateko. Alta, gaur egun soilik plastikoaren %9,5a da birziklatzen.
Horregatik, "2050erako ekoizpena %75 murrizteko helburu globala –Parisko akordioarekin bat etorrita–" ezartzea galdatzen dute Surfrider Foundation Europe, No Plastic In My Sea edo Zero Waste elkarteek; baita "plastikoari lotutako instalazio petrokimiko berrien eraikuntzei edo hedapenei buruzko moratoria". Murrizketaren aldeko eskaera zabaldu dute 900 zientzialarik ere.
Atun latatan aurkitu diren merkurio kopuruekin asaldatuta dabiltza herritarrak. Bloom erakundeak Europan egindako ikerketa baten arabera, Carrefour, Intermarché, Mercadona, Aldi... supermerkatu guztiek merkaturatzen dute atuna kutsaturik. Arrantza industrialak berehala... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
.jpg)
Barakaldoko Udalak 11.800 euroko isuna ordaintzea eta gauez hiru hilabetez ixtea exijitu dio Bizkaiko enpresari. Abuztuaren amaieratik txistu etengabe, desatsegin eta jasangaitza igortzen du inguru zabalean entzuten dena.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
.jpg)
Ingurumen-inpaktuaren berri izateko eta, hurrengo edizioei begira emisioak murrizteko egin du azterketa Lander Crespo klima adituak. Garraioa izan zen Korrikako azken edizioan isurketa gehienen jatorria.
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.
“Mikroplastiko” hitza lehenengoz erabili zenetik 20 urte bete diren honetan, ikertzaile-talde batek urte hauetan ikasitakoa errepasatu dute, Science aldizkarian argitaratu duten lan batean. Eta ondorio garbiak atera dituzte: ingurune natural guztietan oso hedatuta... [+]
Bi urte igaro dira Espainiako Estatuan funtsa sortzeko legea onartu zutela, baina Pedro Sánchezen gobernuak oraindik ez du araudirik garatu eta ez du aurrekonturik funtsa diruz hornitzeko. Espainiako Kongresuan talde politiko guztiek aho batez eskatu diote, berriz ere,... [+]
2016tik 2023ra bitartean, Pastguren paper-fabrika izandakoa erraustegi modura erabili zuen Glefaranek, elektrizitatea ekoizteko. Zazpi urte horietan zehar, errauts-partikulen isurketa-mugak urratu zituen, eta "gizakien eta ingurugiroaren osasuna arriskuan jarri" zuen... [+]
Bilboko Udalak autoak gutxitu nahi ditu erdigunean, aire kutsadurak behera egin dezan. Horretarako, hainbat hiritan abian jartzen ari diren neurri bera hartu du: gehien kutsatzen duten autoei erdigunera sarrera debekatzea. Talde ekologistek neurria kritikatu dute, besteak beste... [+]
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.