Plastiko hondakinak Europako itsasoetan, gero eta arazo handiagoa
Greenpeacek nazioarteko kanpaina bat ipini du abian, Europako itsasoetara iristen diren plastikozko hondakinen kutsaduraz ohartarazteko. Elkarte ekologistaren asmoa da Europar Batasunean eztabaidatzen ari diren eta uda baino lehen onartu behar diren ontzi-hondakinei buruzko zuzentarauetan arazo horri aurre egiteko neurri eraginkorrak har daitezela. Besteak beste, erabilera bakarreko plastikozko ontziak murriztu daitezen eskatu diete europar ingurumen ministroei.
Greenpeacen esanetan, munduko ozeanoetara urtero 4,12 eta 12,7 milioi tona plastiko iristen direla kalkulatu dute zientzialariek, %80 inguru lehorretik. Kopuru horiek gorantz egingo dute seguruenik, plastiko ekoizpena urtez urte gora baitoa munduan. 2002 eta 2013 artean ia %50 handitu zen, Greenpeacek zabaldutako datuen arabera: 204 milioi tonatik 299ra. Espero da 2020rako 500 milioikoa izatea, hau da, 1980an baino %900 gehiago.
Txinaren ostean, Europa da munduko plastiko ekoizle handiena. Urtero 50 milioi tona inguru sortzen dira gure kontinentean, %40 ontziak egiteko.
Itsasora iristen den plastiko hori gero eta zati txikiagoetan deskonposatzen da, eta azkenerako elikadura katean sartzen da. Hortaz, itsas faunari kalte egin ez ezik, gizakioi ere eragiten digu, jaten dugun arrainaren bitartez.
Greenpeacek dioenez, 2014an Europako hondakin-fluxuan sartu zen plastikoaren %30 besterik ez zen birziklatu. %40 erraustua izan zen, eta gainerako %30 zabortegietara isuria. Kopuru horietatik kanpo daude zuzenean ingurumenera botatzen diren milioika plastikozko ontzi. Horietako asko ibaietara eta, azkenik, itsasoetara iristen dira.
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
220 milioi tona plastiko sortzen ditugu munduan eta %10a soilik birziklatu. Zifra hori, gainera, hamar urtez jarraian ez da aldatu. Iaz zabor plastiko horren herenak gaizki kudeatzeagatik gure inguruko bazter, erreka, itsaso eta atmosferan bukatu zuen. Greenpeacek salatu... [+]
220 milioi tona plastiko sortzen dira munduan eta %10a soilik birziklatzen da, zifra hori hamar urtez mantendu da bere horretan. Hainbat talde ekologistek salatu dute egoera uztailaren 3an, plastikozko poltsarik gabeko nazioarteko egunean.
EHUko Ekopol ikerketa taldearen datuen arabera, Bizkaia da Euskal Herrian ingurumen inpaktu handiena eragiten duen lurraldea, guztizkoaren %52 izanda. Euskal Herrian ingurumen-inpaktu handiena duten 25 industria-instalazioen artean, Muskizeko Petronor petrolio-findegia da... [+]
EAEko 1,3 milioi biztanlek Europar Batasunak 2030erako ezarri berri dituen mugak gainditzen dituen aire kutsatua arnastu zuten 2024an, Ekologistak Martxanek eginiko ikerketaren arabera.
Neurriak orain arte, A etiketadun eta etiketarik gabekoei eragiten zien.
Auzo elkarteak, herri mugimenduak eta ekologistak batu ziren asteazkeneko kontzentrazioan. Lantegien jardueraren amaiera itxaroten ari dira duela hamar urte.
Ekologistak Martxan taldeak ohartarazi ostean Donostiako Ategorrieta hiribide inguruan airearen kutsadura maila oso handia dela, udaletik zalantzan jarri dute erabilitako metodologia eta adierazi dute errepide horretan dagoen estazio ofizialaren datuak hartu behar direla... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Frantziako legebiltzarrean Errepublikanoek eta Batasun Nazionalekoek egindako zuzenketen harira dator erabakia. Zuzenketak onartu dituzte, eta, beraz, Euskal Hirigune Elkargoak emisio gutxiko eremua ezartzeko gastu ekonomikorik ez egitea erabaki du.