Pitzadura berriak Esaren eskuin hegalean, bizilagunek etxeetara itzuli behar zutenean
Esa urtegiaren eskuin hegalean pitzadura berriak sortu dira, Lanak gelditu eta Rio Aragon elkarteek salatu dutenez. "Lur mugimenduak gertatzen dira oraindik ere, Ebroko Konfederazio Hidrografikoak dioen arren jada ez dela halakorik sumatzen", azaldu dute aipatu elkarteek.
aurre egingo dieten hedabide independenteak
Hain justu, Konfederazioak etxera itzultzeko baimena eman die otsailean irtenarazi zituzten Lasaitasuna urbanizazioko 44 familietako bederatziri. Oraindik bakarrak ere ez du etxera itzultzea erabaki, inork ez dielako ziurtatu berriro irten beharra izango ez dutenik, Lanak gelditu plataformak adierazi duenez.
Bost eskaera zehatz egin dituzte kaltetutako herritarrek: Esa handitzeko obrak geratzea, ura maila seguruetara jaistea, ikerketa geologiko zorrotza egitea, aditu independenteek datu guztiak analizatu eta konponbideak proposatzea, eta alternatibak abiatzea.
