Pentsionisten beste indar erakustaldi bat kaletik eragiteko
Hauteskunde ezberdinen atarian, Gasteizko kaleak bete dituzte berriz ere Arabako Pentsionistek. Pentsionisten arteko batasuna aldarrikatu dute euren borroka pentsioetara bakarrik ez murrizteko: lan erreforman, emakume eta gizonen arteko soldata arrakalan eta gutxieneko soldatan eragin nahi dute.
Astelehenero kaleetan egotea ez nahikoa eta apirilaren 13an, beste zita batzuetan bezala, Gasteizko kaleak betetzea lortu dute Arabako Pentsionistek. Mobilizazio honetarako, gainera, ahalegin berezia egin dute langileek, emakumeek, gazteek, eta eragile sindikal eta sozialek parte hartzeko.
Artium museotik irten den manifestazioaren hasieran, Arabako Pentsionistak Lanean elkarteak argi utzi nahi izan du bere borroka ez dela amaitu, baina baita borroka horretan jarraitzeko elkarren artean batasun handiagoa behar dutela ere. Xede horrekin, lehen aldiz batzarra egin dute Hego Euskal Herriko lau elkartek Gasteizen bertan aste honetan (Arabako Pentsionistak Lanean, Bizkaiko Pentsionistak Martxan, Gipuzkoako Duintasuna eta Nafarroako Pentsionistak Martxan).
Bide batez, aurreratu dutenez, etorkizunean Gaurgeroa koordinakundean batuko dira lantalde horiek. Orain arteko aldarrikapenei eutsi, eta borroka indartzea jarri dute aurrera begirako helburu eta Gasteizko mobilizazioa horren erakuslehio izan da.
Hala ere, Araba mailako mobilizazioan orain arteko aldarrikapenak berretsi dituzte. Pentsioak automatiko igotzea eskatzen dute, prezioen garestitze errealaren arabera. Betiere, kontuan hartuta gutxieneko pentsioa 1.080 eurokoa nahi dutela.
Bozeramaileek argi dute: “Lortutako apurrak” egindako mobilizazioei esker lortu dituzte, eta atzerantz urratsen bat eginez gero pentsioen murrizketak berriro ere indarrean sartuko dira. “Zoritxarrez, lortutakoa ez dago bermaturik. Estatuak lotsagabeki muzin egiten dio Europako Gutun Sozialak dioenari”.
Pentsioetatik haratago
Haatik, sortu berri den Gaurgeroak ez du pentsioetara bakarrik murriztuko bere borroka. Lan erreformarekin amaitzea eta gutxieneko 1.200 euroko soldata ezartzea eskatuko dute, emakume eta gizonen arteko soldata eta pentsio arrakala gainditzea aldarrikatzearekin batera.
Gobernuei galdegin diete bizi den egoeraren neurriko pentsioak bermatzea: “Exijitzen diegu pentsio duin, publiko, bidezko eta behar bestekoak ezartzea”. Era berean, euskal erkidegoen eskumen falta nabarmendu dute pentsioak bermatzeko: “Ezagutzen dugu eskumen defizita. Horregatik, agertu nahi dugu gure konpromisoa pentsio sistema publikoa eraikitzea ahalbidetuko duen estatus politiko berri batekin”.
Albiste hau Hala Bedi irratiaren webgunetik ekarri dugu gurera, CC-BY-SA lizentziari esker.
Pentsioak osatzeko 145.000 sinadura bildu dituen herri ekinaldi legegilea eztabaidatzeari ezezkoa eman ondoren, Euskal Herriko Pentsiodunen Mugimendua oso gogor agertu da Eusko Jaurlaritzaren jarrerarekin eta "bi aldiz engainatuta" sentitu direla azaldu du. EH Bilduk eta... [+]
Maiatzean 145.142 sinadura aurkeztu zituen Euskal Herriko Pentsiodunen Mugimenduak Gasteizko Legebiltzarrean, pentsioak gutxieneko soldatarekin parekatzeko proposamen baten alde. Pentsioak jasotzen dituzten pertsonentzako babesa “dagoeneko sisteman txertatuta”... [+]
Pentsio publikoak duintzeko kanpainak 145.142 sinadura bildu ditu urte hasieran abiatu zenetik, eta pentsio apalenak behintzat lanbide arteko gutxieneko soldatarekin parekatzea da helburua. EHPM Euskal Herriko Pentsiodunen Mugimenduak Eusko Legebiltzarrean erregistratu du... [+]
Euskal Herriko Pentsiodunen Mugimenduak lau hilabetetako kanpainan lortu du 140.000 herritarren babesa. Herri Ekimen Legegilea maiatzaren 15ean aurkeztuko du Eusko Legebiltzarrean. Pentsio duinak eta gutxieneko soldata besteko pentsioak eskatu ditu mugimenduak.
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
Euskal Herriko Pentsiodunen Mugimenduak herri ekimen legegilea aurkeztuko du Gasteizko ganberan. Apirilaren 24ra arteko epea ipini dute sinadura gehiago biltzeko, eta dei egin diete Araba, Bizkaia eta Gipuzkoan erroldatutako 18 urtetik gorako pertsona guztiei. Hiru... [+]
Erretiroa hartu berri dutenen %4,9k uztartu behar dituzte pentsioa eta lanen bat Espainiako Estatuan. Estonian %55 dira.
Urtarrilaren 1etik aurrera pentsioak %0,9 handituko ditu Frantziako Gobernuak, hasiera batean iragarri baino lehenago, 2025eko uztailera arte ez baitzuen asmorik pentsioak igotzeko, 4.000 milioi aurreztea helburu.
Espainiako Estatuan egindako ikerketa baten arabera, erretiro-adina atzeratzeak ondorio kaltegarriak dakartza, ez bakarrik lehenago hiltzeko arriskua duen langilearentzat berarentzat, baita diru-kutxa publikoarentzat ere: 8.564 eurotan baloraturiko galera soziala izango luke... [+]
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.