Pentsionistek Bruselara eramango dute beren aldarria

  • Asteartean Europako Parlamentuko hainbat legebiltzarkiderekin eta Eskubide Sozialen Batzordearekin bilduko dira. Pentsioak “eskubide gisa blindatzea” eskatuko dute Bruselan.Ostiralerako mobilizazioak antolatu dituzte zaharren egoitzetako erabiltzaileen elkarteekin batera.

Asteleheneroko pentsionisten mobilizazioa Gasteizen. Argazkia: @Jontxu83

2021eko irailaren 27an - 15:30
Azken eguneraketa: 17:36

Bruselarako bidaia Espainiako Estatuko hainbat pentsionisten elkarteekin batera antolatu du Euskal Herriko Pentsionisten Mugimenduak. Pentsionisten irudiko, Europako Batzordearen Pentsioen Liburu Berdea “mehatxu” bat da, besteak beste pentsio pribatuak bultzatzen dituelako. Batzordeari egotzi diote bankuen “ordezkari gisa” jokatzea. Bruselan pentsio publikoak “eskubide gisa blindatzea” eskatuko dute pentsionistek, eta Europako Funtsak banatzean sistema publikoa lehenestea, besteak beste.

Ostiralean mobilizazioak

Urriaren 1a Adineko Pertsonen Nazioarteko Eguna dela eta, pentsionisten elkarteek eta zahar etxeetako erabiltzaileen elkarteek mobilizazioak deitu dituzte batera Hego Euskal Herriko hiriburu eta herrietan. Hiriburuetan manifestazioak egingo dituzte, eta herrietan elkarretaratzeak. Pentsio duinak eta zaharrentzako etxebizitza eta zahar etxe egokiak eskatuko dituzte, besteak beste. Horretaz guztiaz gain, astelehenero mobilizazioak burutzen jarraitzen dute pentsionistek.


Kanal honetatik interesatuko zaizu: Pentsioak
2023-11-16 | Estitxu Eizagirre
"Bertsopentsiotan", Pentsiodunen I. Bertso Jarrien Lehiaketa
Astelehenero kalera ateratzen diren aldarriak bertsotara eramateko deia

Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]


2023-11-10 | Ahotsa.info
1080€ Orain herri ekimenak larunbateko manifestazioan parte hartzeko deia zabaldu du

1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]


Gutxieneko pentsioa 1.080 eurokoa izateko Nafarroako aurrekontuetako dirua bideratzeko eskatu dute

Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira. 


2023-08-22 | Ilargi Manzanares
Pentsiodunak Bilboko jaietan mobilizatu dira

Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.


72 urterekin jubilatu? Zergatik Espainiako enpresarien lobbyaren proposamenak ez duen heldulekurik

Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.


Eguneraketa berriak daude