Pentsioen igoera %2,5ekoa izango da Hego Euskal Herrian
Azaroan KPI %5,6 igo da, eta azken hamabi hilabeteetako bataz bestekoa %2,5ekoa da. Igoera berbera izango dute pentsioek. Bataz beste 32 euro handituko dira.
Espainiako INEk astelehen goizean eman du azaroko kontsumo prezioen indizearen (KPI) igoeraren datua, %5,6koa. Azken hilabeteetan gora egin du nabarmen KPIak (urrian %5,4), baina lehenbiziko hilabeteetan zeroaren inguruan mugitu zen (2020 abenduan %-0,5; 2021eko urtarrilean %0,5; otsailean 0).
Abenduaren 15ean berretsi behar du azaroko datua INEk, eta aldaketarik ezean KPIren azken hamabi hilabeteen bataz besteko igoera %2,5ean utziko luke. Horrenbestez, pentsioak oro har 32 euroan handituko lirateke bataz beste. Pentsiorik gehienak (%66) erretiro pentsioak dira, bataz bete 1.440 eurokoak, eta 36 euro egingo dute gora. Alargun pentsioak (%23,3) 909 eurotan geratuko dira, 22 euroko igoerarekin.
Pentsioen legea, tramitean
Pentsioen zenbatekoa kalkulatzeko modu berria Espainiako Gobernuak Toledoko Itunean parte hartzen duten eragile sindikalekin adostu duen lege berriaren neurrietako bat da. Legea ez dago onartua, aste honetan Espainiako Kongresuak Senatuari helaraziko dio pentsioen erreformaren legea. Hego Euskal Herriko pentsionisten mugimendua lege berriaren aurka azaldu da. Ostegunean, abenduak 1, Espainiako lan eta pentsio erreformen aurkako mobilizazioak deitu ditu gehiengo sindikalak dozenaka eragileren atxikimenduarekin Iruñean, Gasteizen, Bilbon eta Donostian.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.