Pentsiodunen protestak entzun dira gaur ere plazetan, astelehenero legez
Beste astelehen bat gehiago eta Hego Euskal Herriko pentsiodunen protestak entzun dira zenbait hiritako kale eta plazetan, Espainiako estatu osoko beste askotan bezala. Urte osoan luzatu arren, erretretadunek ez dute amore ematen gutxieneko bizi baldintzak –tartean, inork ez kobratzea 1.080 euro baino gutxiago hilean– lortu arte.
Hedabidee nagusietan gaur lan munduko albisteetako bat zen astelehen honetan kobratu behar dutela pentsiodunek urteroko paga txikia (paguilla, espainolez), urte hasieran Gobernuak izendatutako igoeraren eta prezioen indizearen igoeraren arteko kopuruz osatua, eskuineko hedabideek hainbat alarmaz aurkeztu dutena, agintariek dirutza hori nondik atera ez daukatelakoan. EITBk berriz aiton-amona euskotarrak kontsolatu nahi izan ditu Euskal Autonomia Erkidegoko (EAE) jubilatuek bataz beste 1.193,2 euroko kobratu dutela azaroan, Estatuko batez besteko erretiro-pentsioa baino –959,91 euroko– 233,2 euro gehiago.
Mobilizazioak ikusi dira bai Hego Euskal Herriko hiriburuetan eta baita hainbat herritan ere:
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.