Pentsiodunen mugimenduak berretsi du borrokan segiko duela, bosgarren urteurrenean
Astelehenean bost urte bete dira Euskal Herriko pentsionistak astero mobilizatzen hasi zirenetik, eta erreferente bihurtu dira. Urteotan eskuratutako lorpenak azpimarratu ditu mugimenduak, baina baita borrokan jarraitu beharra ere. Espainiako Gobernuaren pentsio erreformaren bigarren zatiaren aurka egingo dute, besteak beste.
Euskal Herriko Pentsiodunen Mugimendua erreferente bilakatu da azken urteetan egindako mobilizazio jendetsuengatik. Astelehenean bete dituzte bost urte euren eskubideak aldarrikatzeko antolatu eta manifestatzen hasi zirenetik, eta berretsi dute horretan segiko dutela: “Pentsio publikoak, duinak, bidezkoak eta guretzako eta hurrengo belaunaldientzako nahikoak izan daitezen, eskubideen alde borrokan”, gogorarazi dute Bilboko elkarretaratzean, Ecuador Etxeak jaso duenez.
Orain arteko lorpenak nabarmendu dituzte, Bilbon ez ezik beste hiriburuetan eta hainbat herritan ere bai: “2013ko PPren erreformaren IRP (0,25) indargabetzea. Pentsio Sistema Publikoa (PSP) guztiz bideragarria dela erakustea, Iraunkortasun Faktorea indargabetzea eta gure pentsioak erdira murrizteko nahia eta erabaki berriak hartzeko ahalegina saihestea”. Argi dute aurten izango duten pentsioen %8,5eko igoera haien borrokagatik lortu duela, “%11,7ko galera konponduko ez duen arren”.
Euren eskubideak baino, jendarte osoarenak defendatzen dituztela gogorarazi dute. Harro agertu dira aberastasunaren banaketaren alde borroka egiteaz eta bestelako sindikatu eta eragileekin lan egiteaz: “Banatu nahi gaituenaren aurka: gazteak eta adinekoak, jarduneko langileak, pentsiodunak, gizonak eta emakumeak, eskakizun bera dugu, aberastasunaren bidezko banaketa”.
Erreformaren bigarren zatiaren aurka
Gobernuan dagoena dagoela, pentsioak defendatzen jarraituko dutela baieztatu dute. Orain Espainiako Gobernuaren pentsio erreformaren bigarren zatiaren aurka egingo dute. Besteak beste, erretirorako epeak luzatu nahi ditu PSOE eta Podemosen gobernu koalizioak, eta pentsioak kalkulatzeko kotizazio aldia 25 urtetik 30era pasa nahi du.
ELA sindikatuak eskatu du epe hori ez handitzeko, murrizketak eragingo dituelako, “batik bat emakumeengan eta kolektibo prekarizatuenengan”. Espainiako Kongresuan ordezkaritza duten EAJri, EH Bilduri, Podemosi eta Geroa Bairi eskatu die neurri horri uko egiteko, esanez “Europako Next Generation funtsak jasotzeko xantaia politikoaren ondorio” dela. Pentsioa jasotzen duten pertsonen kopurua gorantz doanez, ELAren esanetan, “onartu behar da aberastasunaren zati handi bat pertsona horiei bideratu beharko dela, bestelako murrizketarik egin gabe”. Egungo pentsioak txikiegiak direla salatu du ELA sindikatuak: batez beste, EAEn 1.356 eurokoa eta Nafarroan 1.256koa. Emakumeena are txikiagoa: EAEn 1.056 eurokoa eta Nafarroan 977 eurokoa.
Pentsiodunen mugimenduak 1.080 euroko gutxieneko pentsioa exijitzen du hasieratik, baina jakitun da hori ez dela nahikoa, eta kalkuluak eginda 1.230 euroko gutxienekoa eskatu beharko lukeela ohartarazi du. “Tamalez, 1.080 eurokoa lortuz gero aurrera pauso handitzat jo beharko genuke”, adierazi dute astelehenean, Berriak jaso duenez.
LAB sindikatuak ohar batean “eredugarritzat” jo du pentsiodunen borroka, eta balioan jarri ditu haien lorpenak. Aurrera begira ere haien alboan jarduteko konpromisoa erakutsi du sindikatuak: “Estatu frantses zein espainiarrean pentsio sistema erreformatzeko proposamenak mahai gainean daude, bertan jasotzen diren neurriak langile gehiengoaren interesen aurkakoak dira eta ez dituzte pentsiodunen mugimendutik egindako aldarrikapenak aintzat hartzen”. Horren aurrean, azpimarratu dute pentsio sistema publiko eta propioan urratsak emateko beharra, eta LABen proposamena gogorarazi dute: 1.260 euroko gutxieneko pentsioa, publikoa eta unibertsala, eta erretiro adina 60 urtera aurreratzea.
Pentsio publikoak duintzeko kanpainak 145.142 sinadura bildu ditu urte hasieran abiatu zenetik, eta pentsio apalenak behintzat lanbide arteko gutxieneko soldatarekin parekatzea da helburua. EHPM Euskal Herriko Pentsiodunen Mugimenduak Eusko Legebiltzarrean erregistratu du... [+]
Euskal Herriko Pentsiodunen Mugimenduak lau hilabetetako kanpainan lortu du 140.000 herritarren babesa. Herri Ekimen Legegilea maiatzaren 15ean aurkeztuko du Eusko Legebiltzarrean. Pentsio duinak eta gutxieneko soldata besteko pentsioak eskatu ditu mugimenduak.
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
Euskal Herriko Pentsiodunen Mugimenduak herri ekimen legegilea aurkeztuko du Gasteizko ganberan. Apirilaren 24ra arteko epea ipini dute sinadura gehiago biltzeko, eta dei egin diete Araba, Bizkaia eta Gipuzkoan erroldatutako 18 urtetik gorako pertsona guztiei. Hiru... [+]
Erretiroa hartu berri dutenen %4,9k uztartu behar dituzte pentsioa eta lanen bat Espainiako Estatuan. Estonian %55 dira.
Urtarrilaren 1etik aurrera pentsioak %0,9 handituko ditu Frantziako Gobernuak, hasiera batean iragarri baino lehenago, 2025eko uztailera arte ez baitzuen asmorik pentsioak igotzeko, 4.000 milioi aurreztea helburu.
Espainiako Estatuan egindako ikerketa baten arabera, erretiro-adina atzeratzeak ondorio kaltegarriak dakartza, ez bakarrik lehenago hiltzeko arriskua duen langilearentzat berarentzat, baita diru-kutxa publikoarentzat ere: 8.564 eurotan baloraturiko galera soziala izango luke... [+]
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]