Erretreten erreforma pasa arren, jendetza batu da berriz ere Baionan
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Erretreten erreforma apirilaren 14an pasa bazuen ere Frantziako Gobernuak, aurkako ahotsak indartsu eta jendetsu segitzen du. Astearte honetan Ipar Euskal Herrian eta beste 250 hiritan finkaturiko hamalaugarren protesta eguna dugu horren froga. Ehunka lagun batu dira goizean Baionako karriketan erretreten erreforma injustu horren kentzearen alde lelopean.
Parlamentutik ere bidea moztu nahi diote erreformari, Frantziako Konstituzioak dakarzkien azken aukerak baliatuz. Aukeren artean dute erreformaren deusestatzea dakarren lege-proposamenaren bozketa, ekainaren 8an eginen dutena.
Azkenik, maiatzaren 1ean izan zen erreforma horren kontrako mobilizazioa eta "herri honen [Frantziako Estatuaren] historia sozialeko egun inportanteenen artean" kokatu zuten sindikatuek. Aspaldi ez bezala, langile sindikatu guziak elkarturik dabiltza borroka horretan: CGT, CFDT, CFE-CGC, FO, FSU, Solidaires, FA eta UNSA –ahantzi gabe lekuka diren egiturak, adibidez, Ipar Euskal Herrirako LAB eta ELB–.
Erreforma indarrean, irailaren 1erako
Alta, Frantziako Gobernuak bere agendari jarraitzen dio: irailaren 1ean nahi du abiarazi aldaketa. Horretarako 30 bat dekretu eta ordenantza idatzirik ditu erreformak dakarzkien aldaketak bestelako testuetan sarrarazteko.
Hamar herritarretatik zazpi dira erretretarako adina 62 urtetik 64ra luzatzen duen erreforma horren aurka.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.