Ehun mugimenduko kideek bi hilkutxa sorbaldetan hartuta segizioa egin dute Loiolako Erriberako Gizarte Segurantzaren egoitzara, “pentsioen etengabeko degradazioa salatu eta pentsio publiko eta duinak izateko Euskal Errepublika behar-beharrezkoa dugula esateko”.
Ondoko bideoan ikus daitekeen moduan, hilkutxekin Gizarte Segurantzaren egoitzaren barruan sartzen ahalegindu dira, baina ez diete utzi. Ehun mugimenduak “pentsioen pribatizazioa” salatu du: “Pentsioen etengabeko degradazioak de facto pentsioen pribatizazioa bultzatzea dakar. Argi ikusten da Espainian garrantzitsuagoak direla guztion diruaren kontura enpresa pribatuek lortzen dituzten onura ekonomikoak, pertsonon ongizatea baino. Espainian pentsioak hilik daude”, adierazi dute Loiolako Erriberan.
Mobilizazioaren amaieran, Euskal Errepublikaren aldeko aldarria egin dute: “Euskal herritarrok bizitzeko dugun aukera bakarra pertsonak kapitalaren gainetik jarriko dituen Euskal Errepublika da. Euskal Errepublika ala heriotza. Guk, Euskal Errepublika”.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.