1980 urte inguruan hasi ziren abusuak Filadelfiako parrokia batean. John Delaneyk egun 48 urte ditu eta hamaika urte zituenean James Brzyski apaizak bortxatu zuela salatu du. “Nire haurtzaroa hondatu zuen eta ezin da berreskuratu. Gurasoak guztiaren jakitun zirela esan zidan eta dena onartzen zutela”.
Dioenez, garai hartako oroitzapenak ahazteko, alkohol eta drogekiko dependentzia izan du gerora.
James Brzyski apaiza ez da inoiz kondenatua izan. “Apaiztegietan pedofiloak hezten dituzte”, salatu du. Dioenez jendeak konfiantza handia du apaizengan eta pederastia sotanen azpian ezkutatzen da. “Arazorik izanez gero elizak babesten ditu”.
2017an aurkeztu zuten Alberto Barandiaran, Iñigo Astiz eta Miren Rubiok Pederastia kasuak Euskal Herriko Elizan liburua. Azaldu zutenez, hainbat kasu irten dira argitara baina beste batzuk isilaraziak ere badira.
Elizako goi-karguekin mintzatzeko zailtasunak izan dituztela gaineratu zuten.
Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]
Espainiako Estatuan momentu honetan 147 ikerketa daude auzitegietan, Eliza barruan izandako sexu abusuengatik, horietatik %67 2000. urtea baino geroago gertaturiko kasuak dira. Fiskaltzak bere urteko txostenean azaldu duenez, eliz erakundeen "erantzukizun zibil... [+]
Goierriko Itaia Emakumeen Antolakunde Sozialistak elkarretaratzea egin du larunbat eguerdian Beasaingo Bideluze plazan, herriko Andre Mari Zeruratuaren elizako apaiz laguntzaile izendatzearen aurka, "Elizaren inpunitatea borrokatu" lelopean.
Pedro Ayuso Donostiako gotzainak Juan Kruz Mendizabal Beasaingo elizako apaiz laguntzaile izendatu du. Mendizabal ezaguna da adin txikikoei sexu gehiegikeriak egiteagatik. Goierriko Itaiak izendapenaren eta “elizaren inpunitatearen” aurka elkarretaratzea deitu du.
Juan Kruz Mendizabal “Kakux” elizgizona Beasaingo elizako apaiz laguntzaile izendatu du Pedro Ayuso Donostiako gotzainak. Mendizabal Gipuzkoako bikario nagusi izan zen eta udalekuetan sexu gehiegikeriak egin zizkien hainbat adin txikikori, haiekin zuen konfiantza... [+]