927 adingaberi egindako sexu-abusuak aitortu ditu Espainiako Eliza Katolikoak pederastiaz egin duen lehen txostenean

  • Espainiako Eliza Katolikoak pederastiari buruzko egin duen lehen agiria da ‘Para dar luz’. Ostegunean Madrilen argitaratu dute eta bertan jaso dituzte 1940ko hamarkadatik aurrera Elizaren ierarkiako kideek ehunka adingaberi egindako sexu-abusuak. Pederastiaren aurkako elkarteek hainbatetan azpimarratu dutenez, icebergaren muturra baino ez da.


2023ko ekainaren 02an - 10:22
Francisco César García Magán, Espainiako Gotzainen Batzarreko idazkari nagusia. Argazkia Toledoko Artxidiozesia

Para dar luz (Argia emateko) txostena argitaratu du Espainiako Estatuko Gotzainen Biltzarrak Madrilen ostegunean. 1940ko hamarkadatik 2022 urte amaierara bitarte Eliza Katolikoak egindako hainbat sexu abusu jaso dituzte. Guztira, Elizaren kontaketaren arabera, 927 biktima eta 728 erasotzaile aitortu dituzte txostenean.

Eliza Katoilikoak berak zabaldutako datuen arabera, 728 kasuetatik 283 elizbarrutietako bulegoetan jaso ziren eta 445 kongregazioetako bulegoetan. 1990eko hamarkada aurretik izan ziren kasu gehien: %80. 2020tik aurrerako kasuak 34 dira.

Erasotzaileen %99 baino gehiago gizonezkoa da –emakumezkoak bost dira– eta erasoa jaso dutenen gehiengoa ere gizonak dira: %82,6. Abusatzaileen erdia baino gehiago apaizak dira.

Abusuak gertatu ziren eremuari dagokionez, %46,9 eskola inguruan jazo ziren, besteak beste, ikastetxeetan, institutuetan, jolastokian edo gimnasioan.

El Pais hedabidea izan zen lehena Eliza Katolikoko kideen sexu abusuen kontaketari ekin ziona. Haien lanketaren arabera, 966 kasu eta 1957 biktima egiaztatu ahal izan dituzte.


Kanal honetatik interesatuko zaizu: Pedofilia
2024-03-08 | ARGIA
Espainiako Eliza Katolikoak 1.000tik gora pederastia kasu aitortu ditu

Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]


Elizako erakundeak eta arduradunak ikertu nahi ditu Espainiako Fiskaltzak, pederastia kasuengatik

Espainiako Estatuan momentu honetan 147 ikerketa daude auzitegietan, Eliza barruan izandako sexu abusuengatik, horietatik %67 2000. urtea baino geroago gertaturiko kasuak dira. Fiskaltzak bere urteko txostenean azaldu duenez, eliz erakundeen "erantzukizun zibil... [+]


2023-09-04 | Goierriko Hitza
“Elizaren inpunitatearen” aurka borrokatzera deitu du Itaiak

Goierriko Itaia Emakumeen Antolakunde Sozialistak elkarretaratzea egin du larunbat eguerdian Beasaingo Bideluze plazan, herriko Andre Mari Zeruratuaren elizako apaiz laguntzaile izendatzearen aurka, "Elizaren inpunitatea borrokatu" lelopean.


“Kakux” apaiz laguntzaile izendatzearen aurka mobilizatuko dira Beasainen

Pedro Ayuso Donostiako gotzainak Juan Kruz Mendizabal Beasaingo elizako apaiz laguntzaile izendatu du. Mendizabal ezaguna da adin txikikoei sexu gehiegikeriak egiteagatik. Goierriko Itaiak izendapenaren eta “elizaren inpunitatearen” aurka elkarretaratzea deitu du.


Adin txikikoei sexu gehiegikeriak egin zizkien Juan Kruz Mendizabal “Kakux” Beasaingo elizako apaiz laguntzaile izendatu dute

Juan Kruz Mendizabal “Kakux” elizgizona Beasaingo elizako apaiz laguntzaile izendatu du Pedro Ayuso Donostiako gotzainak. Mendizabal Gipuzkoako bikario nagusi izan zen eta udalekuetan sexu gehiegikeriak egin zizkien hainbat adin txikikori, haiekin zuen konfiantza... [+]


Eguneraketa berriak daude