Delitua preskribatuta egonik ere, biktimen aitortza bermatuko du legeak. Nafarroako Gobernuko indarrek aurkeztu dute lege proposamena, eta EH Bildu eta Ezkerraren babesa ere izan du. Navarra Sumak, aldiz, kontra bozkatu du.
Nafarroako Parlamentuko osteguneko saioan elizaren barruan izandako sexu abusuen biktimak aitortzeko foru legea onartu zen, hango indar politiko ia guztien babesarekin. Legea Espainiako Estatuan "aintzindaria" dela azaldu dute sustatzaileek, besteak beste, preskribiturik dauden kasuak ere aintzat hartzen dituelako.
PSNk, Geroa Baik eta Ahal Duguk aurkeztu dute lege proposamena eta EH Bilduren eta Ezkerraren babesa izan du. Aldiz, Navarra Sumak kontra bozkatu du. Alderdi horren jarrera gaitzetsi dute sexu abusuen biktima izan diren kideek: inuitaz jantzita azaldu ziren osteguneko parlamentuko saiora, Navarra Sumako kide batek haien egoera inuitek jasandakoarekin konparatu eta gero, sexu abusuen fenomenoa orokortu eta garrantzia kenduz.
Iruñeko Artzapezpikutzaren jarrera ere deigarria izan da. Navarra Sumak egin bezala, legeak "arlo guztietako biktimak" babestu beharko lituzkeela esan du: "Beste batzuk ezin dira aitortu gabe geratu apaiz batek eraso ez dituelako". Elizako eta eskuineko sektore askotan darabilten diskurtsoari heldu dio hortaz: biktimarioaren ideia erlijiosoak daudela jo-mugan eta erasoa bera.
Legeak urte askoan ezkutaturik izan diren sexu abusuak "oroimen kolektibora gehitzea" du helburu, auzitegietan izan daitezkeen jarduerak oztopatu gabe. Horretarako batzorde bat sortuko dute bederatzi adituz osatua, testigantzak aztertu eta biktima izaera aitortu edo ez erabakitzeko. Artzapezpikutzak jadanik jakinarazi du ez duela batzorde horretan parte hartuko.
Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]
Espainiako Estatuan momentu honetan 147 ikerketa daude auzitegietan, Eliza barruan izandako sexu abusuengatik, horietatik %67 2000. urtea baino geroago gertaturiko kasuak dira. Fiskaltzak bere urteko txostenean azaldu duenez, eliz erakundeen "erantzukizun zibil... [+]
Goierriko Itaia Emakumeen Antolakunde Sozialistak elkarretaratzea egin du larunbat eguerdian Beasaingo Bideluze plazan, herriko Andre Mari Zeruratuaren elizako apaiz laguntzaile izendatzearen aurka, "Elizaren inpunitatea borrokatu" lelopean.
Pedro Ayuso Donostiako gotzainak Juan Kruz Mendizabal Beasaingo elizako apaiz laguntzaile izendatu du. Mendizabal ezaguna da adin txikikoei sexu gehiegikeriak egiteagatik. Goierriko Itaiak izendapenaren eta “elizaren inpunitatearen” aurka elkarretaratzea deitu du.
Juan Kruz Mendizabal “Kakux” elizgizona Beasaingo elizako apaiz laguntzaile izendatu du Pedro Ayuso Donostiako gotzainak. Mendizabal Gipuzkoako bikario nagusi izan zen eta udalekuetan sexu gehiegikeriak egin zizkien hainbat adin txikikori, haiekin zuen konfiantza... [+]