Pello Mari Otaño beka zabalik, Aiztondo bailarako bertsolaritza ikertzeko
Ikastolen Elkartearen Kilometroak egitasmoak eta Mintzola Ahozko Lantegiak antolatu dute beka hau lehen aldiz. 3.000 euroko diru-saria jasoko du hautatua izango den ikerlariak. Apirilaren 2 arte dago aurkezteko epea.
aurre egingo dieten hedabide independenteak
Aiztondoko bertsolaritzaren ikerketa eta haren dibulgazioa egitea da Pello Mari Otaño ikerketa bekaren helburua. Bertsolaritza eta emakumea Aiztondon ikergaia helburu duten proiektuak lehenetsiko dira batez ere; dena den, bestelako gairik duten ikerketa proiektu edo monografikoak ere onartuko dira, beti ere Aiztondoko ahozkotasunari edo ahozko kultur sorkuntzari buruzko jakintza ikertzeko helburua baldin badute.
3.000 euroko dirulaguntza esleituko da ikerketa lana garatzeko. Interesdunek apirilaren 2rako helarazi beharko dituzte lanak eta maiatzaren 9an emango da ebazpenaren berri. Urtebeteko epea izango du ikertzaileak lana garatzeko.
Hona hemen deialdiari buruzko xehetasun guztiak.
"Azterketa, ikerketa eta analisia" helburu
Otsailaren 5ean aurkeztu dute Kilometroak egitasmoak eta Mintzola Ahozko Lantegiak Pello Mari Otaño ikerketa beka, Amasa-Villabonako eta Zizurkilgo Zubimusu ikastolaren eta Zizurkilgo Hernandorena Kultur Elkartearen babesarekin. Amasa-Villabonako Subijana etxean egin dute aurkezpena, Mintzola Ahozko Lantegiaren egoitzan, eta han parte hartu dute lau erakundeotako ordezkariek.
Elkarlan proposamenagatik eskerrak ematen hasi du agerraldia Mintzola Ahozko Lantegiko Beñat Gaztelumendik: "Euskal Herri mailako proiektua kokatu zen Villabonan, herriarentzat ere aberasgarri izan asmoz, eta lan handia egin da hamabi urteotan. Hazia erein eta erein aritu gara eragile ezberdinekin elkarlanean, hainbat ikerketa proiektu eta tesi bultzatu ditugu eta jada hasiak gara uzta biltzen"; eta uzta horri gehituko zaion ikerketa bultzatzeko asmoa du Pello Mari Otaño bekak.
"Herritik sortua eta herriari eskainia. Kilometroak jaia da; bertsolaritza, jolasa. Bata zein bestea elkar lotuta daude, eta guztiz txertatuta euskal kulturan", aipatu du Kilometroak egitasmoko Mikel Egibarrek eta gaineratu: "Gure herriak, euskararen herriak, belaunaldi berriak erakartzeko ekimen garaikideak izan behar ditu. Horretarako, azterketa, ikerketa eta analisia behar dira. Martxan jarri dugun Pello Mari Otaño bekarekin helburu honi erantzun nahi diogu".
Deialdia Kilometroek eta Mintzola Ahozko Lantegiak jarri dute martxan, Amasa-Villabonako eta Zizurkilgo Zubimusu Ikastolaren eta Hernandorena Kultur Elkartearen babesarekin: "Pello Mari Otañok inork gutxik bezala islatzen ditu Zubimusuren balioak", azaldu du Zubimusu ikastolako ordezkaria den Nerea Zumeagak: "Euskaltzaletasuna, eraldaketa, herriarekiko maitasuna… gainera, ikerketa beka hau aurrera eramateko moduak, herri eragile ezberdinak batera jardunik, hainbestetan aipatzen dugun elkarlan edo auzolanaren adibide ezin hobea dela deritzogu". Joxin Azkue Hernandorena Kultur Elkarteko kideak ere Pello Mari Otaño bertsolari zizurkildarraren lana gogora ekarri du: "Berezko dohainak erakutsi zituen Otañok bertsogintzaren alorrean, ugaritasuna, zehaztasuna, abilezia... Juan Mari Lekuona adituaren iritziz, XX. mendean zehar Otaño izan da bertsolaritzan gehien eragin duen maisua".
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Hamahiru urtean lehen aldiz, finalaren kokagunea aldatu du txapelketak, arrazoi koiunturalak medio: Bilbao Arenatik Casillara. Azken bi txapelketetako txapeldunak, Nerea Ibarzabalek, ez du parte hartuko aurtengo edizioan.
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Irurtzunen jokatu da Nafarroako Eskolarteko Txapelketaren 39. edizioa. Sei bertsolari gaztek hartu dute parte txapelketan, eta horietatik, Arantzako Kattin Madariagak jantzi du txapela. Txapeldunorde, berriz, Kattalin Lizarraga izan da. Biak izanen dira Nafarroako ordezkari... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
Maiatzaren 8an hasiko da Bizkaiko Bertsolari Txapelketako sailkapen fasea. Zortzi saio bikoitz jokatuko dira maiatzeko eguenetan. Sarrerak eskuragai daude bertsosarrerak.eus atarian.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]