Pello Lizarraldek irabazi du euskarazko narratibaren Euskadi Saria, 'Argiantza' nobelagatik
Euskarazko haur eta gazte literatura saria Anjel Lertxundik eraman du, Haltzaren muinoa-rengatik. Euskarazko itzulpenarena, Joxan Elosegik irabazi du, Nik kantatu eta dantza egiten du mendiak liburuari esker.
Argiantza nobelarentzat jaso du Euskadi Saria Pello Lizarralde idazleak. Erein argitaletxean publikaturiko nobela da eta argitaletxearen aurkezpenean irakurri daiteke ondokoa: "Formalki pieza perfektua da, bere simetria soilduan; mundu bati, izate eta bizitzeko aldarte bati ematen zaio adioa. Atzean gelditzen den mundu horren arnasa eta denboraren sosegua sentiaraziko digu egileak maisuki". 1980. hamarkadan kokatzen da Argiantza, zinemagintzaren testuinguruan eta jende arrunten bizipen arruntetan.
1978an atera zuen bere lehen obra, Hilargiaren hotzikarak poema liburua, eta geroztik hainbat nobela eta itzulpen lan ere publikatu ditu idazle zumarragarrak. Bestalde, hainbat komunikabidetan argitaratu ditu lanak –Oh Euzkadi!, Zeruko ARGIA eta Pamiela aldizkarietan, besteak beste–. 2017an elkarrizketatu zuen ARGIAk Lizarralde,
Euskadi saria - Euskarazko literatura Eusko Jaurlaritzako Kultura Sailak 1997tik urtero antolatzen dituen Euskadi Literatura Sarien zazpi kategoriatariko bat da, aitzineko urtean euskaraz idatzitako lan literario hoberena sariztatzen duena.
Anjel Lertxundi eta Joxan Elosegi ere dira sarituak
Euskarazko haur eta gazte literatura saria Anjel Lertxundik eraman du, Haltzaren muinoa-rengatik. "Haltzak badu bihotzik" idatzi zuen ARGIAn Xabier Etxaniz Erlek, honela hasiz liburuaren aurkezpena: "Haltz bat dugu obra honetako protagonista. Arbola bat; mundua ezagutu nahi duen arbola. Eta, denok dakigun bezala, arbola ezin da dagoen lekutik mugitu, ezin da itsasoraino joan, ezin ditu bidaiak egin… ala bai?". Hainbat sari irabazitako idazle ezaguna da Lertxundi, saiakerak, nobelak, itzulpenak zein eleberriak, hamaika obra plazaraturikoa. Haltzaren muinoa Elkar argitaletxeak plazaraturikoa da.
Euskarazko itzulpenarena, Joxan Elosegik irabazi du, Alberdaniak argitaratu Nik kantatu eta dantza egiten du mendiak liburuari esker. Irene Sola Saezen idazlearen eleberria katalanetik itzultzeko eginiko lanarentzat saria eman diote Elosegiri. 2020ko Europar Batasuneko Literatura Saria jaso zuen jatorrizko bertsioak.
Gizakiak istorio kontatzaileak gara, hainbeste, ezen esan ere egin daitekeen narrazio gaitasuna dela gizaki egiten gaituen ezaugarrietako bat. Kontakizunak behar beharrezkoak zaizkigu geure burua eta errealitatea eraikitzeko, eta bereziki aipatzekoa da ipuin klasikoek horretan... [+]
Uxue Alberdiren lanari begira jarriko gara oraingoan. Lehenengo artikulu honetan helduentzako idatzi dituen ipuinak, eleberriak, saiakera eta kronika hartuko ditugu kontuan. Bigarren artikulu batean ilustratutako anekdotez, istorioez, filosofia liburuez eta idatzizko bertsoez... [+]
Zuloan sartuta egotea ez duk txarrena –esan zion Manuk–, txarrena duk ez jakitea noiz aterako haizen, edo inoiz aterako haizen ere. Lander Garroren Gerra Txikia nobelan, non gerra bateko iheslarien gorabeherak azaltzen dituen, pertsonaien artean, Anna Frank dakarte... [+]
Gorka Setien Berakoetxea poemagile hernaniarra hil da otsailaren 4tik 5erako gauean. Bost liburu idatzi zituen, irrati libreetako ahotsa izan zen eta gozo entzuten eta zaintzen zekien. 2019an autoedizioan argitaratu zuen bere poema liburu berriena, Naufragoen altzoa.