Pedro Sanchez izendatu dute Espainiako Gobernuko presidente
Bigarren bozketan lortu du PSOEko hautagaiak beharrezko bozka kopurua. Ez da ezustekorik izan, eta gehiengo sinple estuarekin lortu du Pedro Sanchezek izendapena. PSOE eta Unidas Podemos (UP) alderdien arteko koalizioak gobernatuko du Espainiako Estatua.
Eguerdian hasi da saioa, eta 14:15etan hasi dira bozka ematen diputatuak, banan-banan eta ahoz. Eskuinak mamua azken unera arte astindu badu ere, ez da tamayazo-rik egon: Pedro Sanchezek aldeko 167 bozka jaso ditu, ezezkoak 165 izan dira eta 18 abstentzio. Alde bozkatu dute PSOE (120), UP (35), EAJ (6), Más País (3), Nueva Canarias (1), Teruel Existe (1) eta BNG alderdietako ordezkariek. Aurka egin dute PP (89), Vox (52), Ciudadanos (10), Junts Per Catalunya (8), CUP (2), Navarra Suma (2), PRC (1) eta Coalición Canaria (1) alderdiek. ERC (13) eta EH Bildu (5) abstenitu egin dira.
Koalizio gobernua lehen aldiz
Lehen aldiz gobernatuko du Espainiako Estatua gobernu koalizio batek frankismoaz geroztik. Komunikabideetan argitaratutako informazioen arabera, gobernu berriak hiru presidenteorde izango ditu: UPren aldetik Pablo Iglesias, eta PSOEko Carmen Calvo eta Nadia Calviño. UPk beste lau ordezkari izango ditu gobernuan: Irene Montero, Yolanda Díaz, Alberto Garzón eta Manuel Castells.
Gobernu ahula
Luzea eta nekeza izan bada gobernu koalizioaren osatze prozesua, ez dirudi gobernagarritasuna errazagoa izango denik gaurtik aurrera. Gobernu berria minorian dago, 350 eserlekuetatik 155 ditu. Aurrekontuak onartzeko edo agindutako lege aldaketak egiteko oreka zailak egin beharko ditu Sanchezek eta periferiako botoak ezinbestekoak izango dira. Itxura guztien arabera, Herrialde Katalanek berriz ere zerikusi handia izango dute estatu mailako politikan. Eremu horretan galderak erantzunak baino gehiago dira gaur gaurkoz, eta ordezkari katalan independentisten bozkak erabakigarriak dira Espainiako Kongresuan.
Suhiltzaileek itzaltze lanetan jarraitzen duten arren, egonkortu dute kontrolik gabeko sutea. Espainiako Gobernuak larrialdi aurreko faserako plana onartu du, autonomia erkidegoen eta Espainiako Gobernuaren arteko komunikazioa hobetzeko; dena den, larrialdien kudeaketa autonomia... [+]
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Astearte honetako gobernu bileran onartuko dute PSOEk eta Sumarrek, akordioa iragarri baitute. Neurria "berehala" ipiniko dela indarrean jakinarazi dute.
Cerdán auziari loturiko Servinabar sozietatearekin eta Antxon Alonsoren beste hemeretzi enpresarekin kontratu publikorik izan ote den jakiteko aztertu ditu EAEko gobernuak azken hamar urteetako esleipenak. Antxon Alonsok Espainiako Senatuko talde politikoen galderak... [+]
Bide parlamentarioa egin beharko du orain. Lege testu honen arabera, 30 urteko epea ezarriko dute sekretuak desklasifikatzeko, eta 45 urtekoa "goi mailako" sekretuendako. Bakoitza hamabost urtez luza daiteke.
Egiari Zor elkarteak pozgarritzat hartu du Nazio Batuen Erakundeko Giza Eskubideen Batzordeak Espainiako Estatuaren indarkeriaz egin duen txostena. Elkarteak azpimarratu du txostenak Nafarroako Gobernuak eta Eusko Jaurlaritzak dokumentatutako 5.000 tortura salaketak balioan... [+]
Gipuzkoako enpresak hainbat kontratu sinatu ditu Israelgo industria militarrarekin, eta diru publikoa jasotzen du ibilgailu elektriko bat garatzeko, Espainiako Gobernuak finantzatutako proiektu baten bidez.
Espainiako Gobernuaren estrategia politikoaren barruan mugitu du fitxa PSOEk: protagonista handirik gabeko irudi batekin jakinarazi dute akordioa, baina detaile gutxi emanda eta datarik ipini gabe.
Espainiako presidente Pedro Sánchezek Madrilgo kongresuan aurkeztu du ustelkeriaren kontra bere plana, Santos Cerdán auziaren ondorioz oposizioak estu hartu ondoren. Bost atal nagusitan banatu du eta ELGA erakundeak gainbegiratuko luke kanpotik, betetzen ote den... [+]
1.300 milioi eurotik gorako 2 milioi isun baino gehiago ekarri ditu legeak. Atzera botako zutela hitzeman zuten PSOEk, Podemosek, Sumarrek, EH Bilduk, ERCk, EAJk, Juntsek nahiz BNGk.
Mark Rutte NATOko Idazkari Orokorrak ukatu egin du “baztertze klausula” onartu zaionik Espainiako Estatuari. Kalkuluen arabera, BPGren %3,5a gastu militarretara bideratu beharko du gobernuak, NATOk eskatzen dituen kompromisoak betetzeko.
Igandean iragarri du akordioa Pedro Sánchez Espainiako presidenteak. Espainiak gastu militarrera BPGaren %2,1 bideratuko duela ziurtatu du.
Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicenteri 120 ongi etorri baino gehiago antolatzea eta terrorismoa goratzea leporatzen zien Espainiako Auzitegi Nazionalak. Auzipetuek, akusazio partikularrak eta... [+]
Oraindik ez dago garbi noiz arte eutsiko dion bere erabakiari Pedro Sánchez Espainiako Gobernuko lehendakariak, baina korapilo handi samarra sortzen ari da NATOren barruan, honek aurrekontu militarra %5era igotzea arbuiatu ondoren.
Espainiako Gobernua osatzen duten PSOEren eta Sumar alderdien arteko koalizioak aurkeztutako lege proposamena onartu dute Kongresuan ostegun goizean, frankismoaren apologia egiten duen edozein erakunde debekatuko edo legez kanpo utziko lukeena