Patxi Ruiz presoaren osasunari jarraipena egiteko eskatu diote abokatuek Murtzia II espetxeari

  • Gose greban den Patxi Ruiz euskal presoaren abokatuek greba horren berri eman dute Auzitegi Nazionaleko Espetxe Zaintzako Epaitegi Zentralean. Horrekin batera kartzelari eskatu diote Ruizen osasun egoeraren berri eman dezala, eta jarraipena egin diezaiola. Presoaren defentsa lana egin ahal izateko oztopoak ere salatu dituzte.


2020ko maiatzaren 19an - 16:05

Abokatuek azaldu dutenez, konfiantzazko medikuekin ari dira jarraipenerako protokoloa osatzen, finkatu ahal izateko zeintzuk diren Espetxe Zaintzako Epaitegiak egin beharreko probak eta kontuan hartu beharreko osasun adierazleak.

Informazio falta

COVID-19aren aurrean hartutako osasun eta prebentzio neurrien inguruko txostena helaraz diezaietela eskatu dute abokatuek: “Adierazgarria da ebazpen hau, argi uzten baitu oraindik ere Murtzia II espetxeak ez duela inolako informaziorik eman hartutako neurrien inguruan. Kontutan izan behar da Patxiren protesta honengatik izan zela, eta hark eta bere abokatuek Espetxe Zaintzako Epaitegira helarazitako kexek bultzatu dutela epaitegia ebazpen hau argitaratzera”.

Defentsa lanean oztopoak

Bestalde, Defentsa Askatasun Kolektiboetarako Abokatuak saretik, babesa helarazi diete bai Patxi Ruizi, bai bere defentsaren ardura duten abokatuei. “Astelehen goizean Patxi bisitatzera sartzeko oztopo etengabeak izan zituzten, eta horren gogorra izan zen kartzelazainen jarrera ezen Gipuzkoa eta Murtziako Elkargoetako dekanoek espetxe zuzendariari deika aritu behar izan ziren Patxirekin bisita egin ahal zedin. Salatu nahi ditugu, berriro ere, defentsa lana oztopatzeko izandako saiakerak. Jarrera horrek Patxi Ruizen egoeraren okertzea baino ez baitakar”.


Kanal honetatik interesatuko zaizu: Espetxe baldintzak
2024-03-18 | Gedar
Kataluniako 5.000 preso konfinatuta izan ditu Generalitateak

Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.

 


Zaballako espetxean hildako Oroitz Herreroren senideak
"Gu horrela tratatu bagaituzte, zer ez dute egingo espetxe barruan"

Iragan astean Oroitz Herrero 26 urteko irundarra hilik aurkitu zuten Arabako Zaballa espetxeko bere ziegan. Eusko Jaurlaritzaren arabera “heriotza naturala” izan zen. Gaztearen senideek ARGIAri adierazi diote, ordea, Herrerori ez diotela arreta mediku egokirik eman... [+]


2024-02-07 | Hala Bedi
Preso bat hil da Zaballako espetxean, bi urtean hirugarrena

Eusko Jaurlaritzak espetxeen transferentzia bere gain hartu zuenetik, duela bi urte eskas, laugarren heriotza izan da euskal kartzeletan, hirugarrena Zaballako espetxean.


Espetxeko azken heriotza “izebergaren punta” besterik ez dela dio Salhaketak

Salatu du larunbatean bere burua urkatu zuen presoari ez zitzaiola suizidioen aurkako protokoloa ezarri eta ziegan bakarrik zegoela, aurreko egunetan “ondo ez zegoela” adierazi bazuen ere. Azpimarratu du Jaurlaritzak espetxeen eskumena hartu zuenetik bere buruaz... [+]


Preso bat topatu dute hilik berriro ere Zaballa espetxean

Salhaketa Arabak eman du heriotzaren berri. Elkartearen arabera, 47 urteko jatorri hegoamerikarreko gizonezkoa da hildakoa, eta bere burua urkatu du. Jaurlaritzak espetxeen eskumena hartu zuenetik Arabako espetxean hiltzen den bigarren presoa da.


Eguneraketa berriak daude