Kongresuan biltzen den Berreraikuntza Sozial eta Ekonomikorako Batzordeko presidenteak ezabatu egin ditu Marta Rosique ERCko diputatuak arrazakeria polizialaren inguruan egindako aipamenak, Naizek jaso duenez. Honakoa ohartarazi du diputatu katalanak: “Estatu espainiarrean ere arrazakeriagatik hiltzen dira pertsonak".

Baieztapenak ez dira Lopezen gustukoak izan ordea, izan ere, ERCko diputatua kexatu den arren, saioen egunkaritik kentzea erabaki du. Espainiako Gobernuen arrazakeria Trumpenaren mailara heldu ez den arren, Rosiqueren ustez “entzungor egin dute eta arrazakeria betikotzen jarraitzea ahalbidetu dute".

Lopezek eten egin du diputatua eta esan du "arrazakeriagatik hiltzea" auzitegi batek berretsi behar duela, "bestela, ez da egia. Eta egia ez bada, iraingarria denez, saioen egunkaritik desagertuko da ".