Pasaiako sarraskian oinarrituriko dokumentala sustatzeko crowfunding kanpaina abiatuko dute
Pasaiako sarraskian oinarrituriko Pasaiako Badia dokumentalaren crowfunding kanpaina aurkeztuko du Oinatzak Produkzioakek azaroaren 12an, Iruñeko Katakrak liburutegian. 1984ean hildakoen senide eta lagunen babespean aurkeztuko dute 8.000 euro lortzeko helburua duen kanpaina.
Dokumentalean 1984ko martxoaren 22an Pasaian gertaturikoa kontatuko du. Poliziak prestatutako segada batean Komando Autonomo Antikapitalistetako kide Jose Mari Izura, Pedro Mari Isart, Dioni Aizpuru eta Rafael Delas hil ziren. Gertatutakoaren testigu izan zen Joseba Merinok Aizpuru eta Delas atxilotu ondoren fusilatuak izan zirela salatu izan du. Gorpuei 113 bala zulo zenbatu zizkien Paco Etxeberria forentseak.
2016ko ekainean artxibatu zuen kasua Donostiako Auzitegi Probintzialak, baina senideek Estrasburgoko auzitegira jotzeko asmoa adierazi dute.
Proiektua martxoan eginiko prentsaurrekoan aurkeztu zuten eta maiatzean hasi ziren grabazio lanetan. Besteak beste hildakoen senideak, gertaeraren testiguak, Pasaiako herritarrak edo Enrique Villareal “El Drogas” eta Carlos Garaikoetxea bezalako izen ezagunak elkarrizketatu dituzte.
Crowfunding kanpainaren helburua orain arteko gastuen zati bati eta aurrera begira dituzten erronkei aurre egitea da. Kanpainak iraun bitartean erakusketak antolatuko dituzte Euskal Herriko herri ugaritan. Dokumentala 2017ko udazkenean estreinatzeko asmoa dute, zinemaldi desberdinetan aurkeztuz.
Dokumentalaren eta crowfunding kanpainaren xehetasunak azalduko dituzte prentsaurrekoan. Eginiko elkarrizketa eta grabaketekin osaturiko teaser-a ere argitaratuko dute.
Martxoan eginiko aurkezpenerako bideo hau egin zuten:
Izpegiko besten karietarat Baztango eta Baigorriko gazteek mahai-ingurua antolatua dute arrats honetan Iparretarrak talde armatuaren memoria kolektiboa eraikitzeko beharrez. IKko sortzaileetan izan den Pilipe Bidartekin mintzatu gira, jakiteko nola bizi izan dituen 40 urte... [+]
.jpg)
Nafarroako Gobernuan ondare historikoaz arduratzen den erakundea da Vianako Printzea, eta Iruñeko Udala haren zain zegoen birgaitze prozesuarekin aurrera jarraitzeko. Datozen asteetan, beraz, obrarako lehiaketa irekiko da.
"Oraindik korapiloa askatzeko" dagoela gogoratzeko eta Txiki eta Otaegiren fusilatzeen 50. urteurrena kari, Sortuk bi pankarta handi eskegi ditu Cuelgamuroseko monumentuko arku batetik. 1975ean bertan lurperatu zuten Francisco Franco diktadorearen gorpua, 1936ko gerran... [+]
Iratzar eta Olaso Dorrea fundazioek antolatu duten erakusketa ibiltaria ezin izango da Zarauzko areto publikoetan ikusi. Udalak argudiatu du errelato "partziala" eta "ideologizatua" eskaintzen duela. EH Bilduren lokalean paratuko dute azkenean.
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]
50 urte dira Francoren diktadura garaiko azken bost fusilamenduetatik. Jon Paredes, Txiki eta Angel Otaegi ETAko kideak, eta Sánchez Bravo, Humberto Baena eta Ramón García Sanz FRAPekoak. Txikiren abokatuetakoa izan zen Magda Oranich, mende erdia eta gero... [+]
Gatazka politiko bat egon da azken 60 urteetan Euskal Herrian, eta horrek izan du bere bertsio biolentoa, ETAk bideratu duena, zeinari Espainiako Estatuak errepresioz eta estatu-terrorismoz erantzun dion. Sei hamarkadetan, ordea, biolentzia horiek ez dira berdin ikusi izan... [+]
Abuztu honetan polemika berri bat piztu digute, beste behin, belarrondokoa ematea baino larriagoa izan dena. Azken hamabost urte baino gehiagoan, Glen Cree ekimenetik hasi, Estatu bortxaren biktimei aitortza legala emateko mekanismoen sorreratik segitu eta herri honetan ireki... [+]
Azken zortzi urteotan 30 bunker inguru berreskuratu dituzte dozenaka gazte boluntariok; Baztanen, Otsondon, izan da azkena. Ana Ollo kontseilariak bisitatu du auzolandegia eta gazteen ezinbesteko lana txalotu eta eskertu du.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
2025ean 40 urte beteko dira Mikel Zabalza hil zutenetik, eta 47 urte Germán Rodríguez eta Joseba Barandiaran hil zituztenetik. Horiek guztiak Estatuko Segurtasun Indarren biktimak dira, eta Sanfermines78 Gogoan elkarteak Espainiako Gobernuari eskatu dio "Estatuaren... [+]
IRUTXULOKO HITZAk eta Dinamita Tour egitasmoak 36ko gerra Donostian nolakoa izan zen eta hiria beste ikuspegi batetik ezagutzeko ibilaldia antolatu dute elkarlanean, uztailaren 21erako. Elkargunea Bretxako Sarriegi plazako estatua izango da, 19:30ean, eta Amararaino joango dira... [+]