“Parte hartzeko dugun eskubidea aldarrikatzen jarraituko dugu, eta aurten ere ez gara jaietatik kanpo geratuko”
Ehunka lagun mobilizatu dira berriz Gasteizen, txosnetan GKSren eta Etxebizitza Sindikatu Sozialistaren aurka mantentzen duten betoa dela-eta, irtenbide bat aldarrikatzeko.
Manifestazioa egin zuten ostegun arratsaldean Gasteizen (Araba), Txosnak denontzat, irtenbidea orain! lelopean. Izan ere, bost urte bete dira jada Gasteizko Txosnetan Gazte Koordinadora Sozialistari (GKS) eta Etxebizitza Sindikatu Sozialistari beto politikoa jarri zietenetik, eta, oraindik ere, debekatu egiten diete jaigunean parte hartzea. Horiek horrela, ehunka pertsona mobilizatu ziren atzokoan, irtenbide bat exijitzeko.
"Inork gutxik ulertzen duen egoerak aurten amaiera izango zuela zirudien arren, jaiak gerturatzen ari dira eta Txosna Batzordeak ez du irtenbiderik proposatu", jakinarazi zuten GKSko eta Etxebizitza Sindikatu Sozialistako kideek: "Aurten, beste behin ere, egoera publikoki salatu dugu, eta zein izan da erantzuna? Isiltasuna". Batzordeak, beste urte batez, ez du erakutsi "egoerari aterabidea emateko borondate errealik".
Irtenbidearen aldeko babes zabala
Txosna Batzordeak GKSren eta Etxebizitza Sindikatu Sozialistaren kontrako debekua mantendu nahi duen bitartean, gero eta gehiago dira betoaren aurka eta irtenbide baten alde egiten ari direnak, eta horren erakusle da osteguneko mobilizazioa. Iaz Euskal Herriko 100 bat kolektibok eta 150 bat kulturgilek defendatu zuten Mugimendu Sozialistak ere eskubide osoa duela festetan parte hartzeko, eta azken egunetan, "Gasteizko Txosnetan urte luzez aritu izan diren eta herri-mugimenduaren parte diren" beste hainbat pertsonak ere eman diete babesa GKSri eta sindikatuari.
Manifestazioan salatu zutenez, aterabiderik ez eman nahi izatearen oinarrian dago "Ezker Abertzalearen inguru politikoak hasieratik Mugimendu Sozialistarekiko zabaldu duen mesfidantza", hura "isolatzeko" eta "ekonomikoki itotzeko" asmoz. Hala ere, "elkarlanean jarraitzeko" borondatea berretsi zuten GKSk eta sindikatuak, jaietan parte hartzeko duten eskubidearen defentsan. "Parte hartzeko dugun eskubidea aldarrikatzen jarraituko dugu, eta aurten ere ez gara jaietatik kanpo geratuko", aldarrikatu zuten.
Horrekin batera, elkartasuna adierazi zieten Bilboko (Bizkaia) Luberri Konpartsako kideei, haiei ere betoa ezarri baitzieten Bilboko Konpartsetan Ezker Abertzalearen ekimenez, eta indarrean segitzen du haien kontrako debekuak.
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Bilboko Konpartsen Federazioak 2025eko Aste Nagusirako prestatu duen egitaraua aurkeztu du Arriaga Plazan. Federazioak, konpartsek eta Jai Batzorde Mistoak 600 jarduera baino gehiago prestatu dituzte, "gustu guztientzako ekintzez betetako Aste Nagusiaz gozatzeko".
Gasteizen igandean eginiko agerraldian, Txosnak. Gureak, denonak dinamikako kideek gaitzetsi dute txosnak ez direla enpresen gisara tratatu behar: "Gure ospakizunak edukiz hustu nahi dituztenen kontra, konpromisoaren, aniztasunaren eta autogestioaren alde egiten... [+]
Ukabilkadak, bultzadak, blokeoa, izotz jaurtiketak eta abar jasan behar izan dituzte Bajadika aldarrikatzailea egin duten pertsonek.
Beste urte batez Los 40 Summer Live jaialdia ospatuko dute Zarautzen, eta horren kontra agertu dira herriko hainbat eragile, haien ustez, garrantzi handiagoa ematen zaiolako ekitaldi horri herriko jaiei baino: "Argi erakusten du gure herrian zeinentzat dauden erraztasunak... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Lizarrako Udalak udarako antolatu dituen bost musika ikuskizunetan eta beste horrenbeste film emanaldietan bat bera ere ez da euskaraz izanen; datorren astean hasiko diren festen egitarauan haurrentzako ekitaldi bat dago euskaraz programatua, justu, erraldoi eta buruhandien... [+]
Madalenetan murgilduta gaudela irakurriko duzue askok artikulu hau, bestela ere pentsatu gure etorkizuneko egunerokoan, jai giro herrikoiak aurrez irudikatzen duen herria baita urte osorako desio dugun herri eredua, deskantsu pixka bat gehiagorekin, noski. Badira urte batzuk... [+]
Alde Zaharreko Ekimeneko Ana Sagastirekin hitz egin du Euskalerria Irratiak, bertako bizilagunek sanferminak nola bizi dituzten ezagutzeko. Bederatzi egunez eta 24 orduz soinua gehiegizkoa eta pixa usaina erabatekoa dela esan du. Jaia eta egunerokotasuna uztartzeko... [+]
Agharas migratzaile imazighen elkartearen txosnan pertsona batek hainbat irain arrazista egin zituen. Erasoa salatzeko elkarretaratzea egin dute igandean Barakaldon.
Bilboko Konpartsak osatzen duten 27 taldeetatik hamahiruk erabaki dute AEBetako Coca-Cola multinazionalaren produktu guztiak kenduko dituztela haien txosnetatik, Israel palestinarren aurka egiten ari den genozidioaren konplize izatea leporatuta.
Abuztuaren 9tik 17ra izango da Piraten Aste Nagusia, eta aurten "Auzolanari tiraka!" ariko direla adierazi dute. Abordatzea abuztuaren 11n izango da, eta Piraten Egun "berezia", hilaren 15ean.
Bederatzi egun eta gau luzeren ostean, Iruñeak normaltasunera itzuli nahi du Sanferminak ixten dituen azken ekitaldiarekin: Villavesako entzierroa, non gaizki tratatzen den gauza bakarra parte hartzaileen gibela eta osasuna baita. Ekitaldi herrikoi honen ondoren hasten da... [+]
Performance umoristiko batean gurutze batekin masturbatzen ari zarela irudikatzea delitua izan daiteke Espainiako Legearen arabera. Baina normaltzat hartu behar ei dugu, inoiz existitu ez zen norbait omentzea egurrezko panpina bihurtuta, “munduko jairik onenetako”... [+]