Pandemiak desberdintasuna agerian utzi du

  • Ez da egia pandemiak herritar guztiei eragiten diela eta ez duela kolore politiko edo sozialik. Hondamendiek bezala koronabirusak ez die berdin eragiten behartsu eta aberatsei, plantillako langileei edo prekarioan daudenei, bertakoei edo etorkinei.


2020ko apirilaren 27an - 16:48
(arg: Dani Blanco / ARGIA)

Ez daukagu daturik pandemiak sektoreka Euskal Herrian duen eragina konparatzeko. Baina Madrilgo datuak baditugu, Espainiako Estatuko pandemiaren epizentroa izan dena. 100.000 biztanleko infektatutako pertsonek erakusten dute koronabirusa gizentzen ari dela sektore ahulenetan. Madrilgo erkidegoan errentarik handiena duen udalerriak, Pozuelo de Alarconek, 595 kasu ditu, pobreenak, Villa del Pradok, 1.212.

Desberdintasuna konfinamenduarekin ere geratu da agerian. Ez da gauza bera 100 metro koadroko pisuan edo 25-40 metrokoan bizitzea. Ez da gauza bera ABEEE bat jasatea, edo hori ere ez, prekarioan lan egiteagatik. Ez da gauza bera –egoera horretan batez ere– bertakoa izatea edo etorkina izatea eta patera pisuetan bizitzea. Eta pandemia honen irteera ez da berdina izango batzuentzat eta besteentzat.

Zeren eta desberdintasunak hor jarraitzen du, sistema kapitalistaren ondorioz. Hondamendiaren erdian, enpresa handiek –batez ere bankuek eta elektrikakoek– milioi askoko etekinak izan dituzte eta dibidenduak banatuko dituzte. Sánchez Galan Iberdrolako presidenteak jakinarazi du 2019an 3.406 milioi euro irabazi zituztela. Eta horrek sortzen duen ospe txarrari aurre egin nahi dio osasun materiala erosteko limosna txikiak emanez.

Bitartean, milaka enplegu desagertuko dira; autonomoek eta negozio txikiek pertsiana jaitsi beharko dute. Eta bankuek eta enpresa multinazionalek irabaziak pilatzen jarraituko dute ahulenen kontura, baldin eta ez badugu eredu anker eta injustu horri aurre egiteko horma handi bat eraikitzen.


Kanal honetatik interesatuko zaizu: Desberdintasun soziala
Gilen Konkistatzailearen oinordeko aberatsak

Hastings (Ingalaterra), 1066. Gilen I.a Normandiako dukearen gudarosteak Harold II.a erregearen tropak mendean hartu zituen, eta tronua eskuratu zuen. Gilen I.a Konkistatzailea 1087 urtera bitartean izan zen errege.

Normandiarren konkistaren ondorengo erregealdi horretan,... [+]


Gizonen %44k uste du berdintasun-politikak “urrunegi” joan direla eta beraiek direla baztertuak

Espainiako Ikerketa Soziologikoen Zentroak (CIS) egindako lehen inkesta monografikoa da, “Gizonen eta emakumeen arteko berdintasunari buruzko pertzepzioak eta genero-estereotipoak” gaiari buruzkoa: ikerketan parte hartutako emakumeen gehiengoak (%65,5) dio baieztapen... [+]


Etxeko errefortzua kontuan hartu gabe emango bagenu klasea?

"Eskolan ikasgaia azaldu, etxean eskolako lanak egin eta azterketa jarri" formula aldatzea erabaki du José Antonio Herranz irakasleak: irakaskuntza-ikaskuntza osoa eskola-orduetara mugatu du, etxeko errealitatearen erruz ez daitezen ikasle batzuk atzean geratu... [+]


Eskolaz kanpoko jarduerak doan, Portugalgo gakoa desorekari aurre egiteko

6-10 urte bitarteko haurrek doan dituzte eskolaz kanpoko jarduerak Portugalen. Ekintza hauetan parte-hartze unibertsala bermatzea onuragarria izan da Portugalgo ikasleen arteko desoreka sozioekonomiko eta ondorioz akademikoei aurre egiteko eta eskola porrota txikitzeko, besteak... [+]


Arrakalaren enegarren aurpegia

338 eurotako alokairua edo 119.000 eurotako erosketa. Horiek dira 18 eta 44 urte arteko emakume batek batez beste ordaindu dezakeena bere kabuz bizitzen jartzeko EAEn. Beti ere, etxebizitzarako gorde beharrekoa gehienez diru-sarreren %30 dela kontutan hartuta. Eusko... [+]


Eguneraketa berriak daude