2021eko martxoaren 01a
Puma kirol enpresa Israelgo Futbol Federazioaren babesle nagusia da. Palestinako 200 kirol klub baino gehiagok babesletza eteteko eskatu diote markari.
Palestinako kirolariak eta kirol elkarteek nazioarteko Puma kirol enpresaren aurkako boikota deitu dute. Puma Israelgo Futbol Federazioaren (IFA) babesle nagusia da, eta Federazioaren barnean lur okupatuetan eraikitako asentamenduetako futbol taldeak daude. Asentamenduak gerra krimentzat hartzen ditu nazioarteko zuzenbideak.
Israelen aurkako nazioarteko BDS (Boikot, Desinbertsio, Zigor) kanpainak ekimenarekin bat egin du: “Pumak berdintasunarekiko ardura duen enpresa bezala komertzializatzen du bere burua, baina IFAk mantentzen laguntzen duen apartheida finantzatzen du”.
Aurretik, Adidas
Pumaren aurretik, Adidas kirol enpresa izan zen IFAren babesle nagusia. Adidasen aurkako nazioarteko kanpaina abiatu zen, eta Adidasen egoitza batean 16.000 sinadura baino gehiago aurkeztu ziren, besteak beste. 2018ko uztailean, Adidasek babesle izateari utzi zion.
Palestinian athletes are calling to #BoycottPuma.@Puma supports teams in illegal Israeli settlements that push Palestinian families off their land and prevent development of Palestinian sports.
Join the 2nd Global Boycott Puma Day of Action, Oct 26. https://t.co/kVtn4OkN7I pic.twitter.com/yOaZy4HL16
— PACBI (@PACBI) September 4, 2019
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
