53 egun preso daramanean, Pablo Gonzálezek lortu du konfiantzazko abokatua

  • Polonian preso dagoen euskal kazetaria kartzelaz aldatu dute, Rzeszów hiriko espetxetik Radmon hirikora. Lehena 400 bat kilometrora dago Varsovia hiriburutik eta bigarrena 100 batera, Público egunkariak jakinarazi duenez.


2022ko apirilaren 22an - 16:33
González iragan otsailaren 3an Madrilgo Unibertsitate Complutenseko jardunaldi batzuetan. (Argazkia: UCM)

Bigarren aldaketa esanguratsua ere gertatu da eta, lehenbiziz, Pablo Gonzálezek konfiantzazko abokatu poloniarra hautatu ahal izan du. Orain arte ofiziozko bi jarri izan dizkio Poloniako fiskaltzak, baina bietan bertan behera geratu da haien lana. Bere defentsa orokorra daraman abokatua, alabaina, Gonzalo Boyé abokatua da, besteak beste, Carles Puigdemont lehendakari katalanaren defentsa daramana.

Hiriburutik hurbilago dagoenez, halaber, familiak uste du kazetariak izango duela Espainiako Kontsulatuaren bisita gehiago. Orain arte kontsularen bi bisita izan ditu, kazetariak izan dituen bakarrak.

González iragan otsailaren 28an atxilotu zuten Polonian, Ukrainako gerra jarraitzen ari zela. Oraingoz maiatzaren 29ra arte egon beharko du espetxean herrialde hartan, eta egun horretan erabakiko dute baldintzapean libre uzten duten epaiketaren eguna arte edo preso mantentzen duten. Espioitza leporatzen diote kazetariari, eta akusazio horiekin hamar urte arteko kartzela zigorra jasan dezake.

Bere emazte Oihana Goirienak Público-ri adierazio dionez, denbora honetan guztian ez du oraindik bere bikotearekin telefonoz hitz egiteko aukerarik izan.


Kanal honetatik interesatuko zaizu: Kazetaritza
2024-03-21 | Euskal Irratiak
Urtzi Urkizu
"Susmoa dut gizartearen parte handi batean badagoela kezka ETB-rekin"

Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]


Pablo Gonzalez "berehala" askatzea exijitu dute Gernikan eta nazioartean

Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]


2024-02-28 | ARGIA
Hedabideetako langileek elkarretaratzeak egin dituzte, Gonzalezen askatasuna eskatzeko

Euskal Herriko komunikabide eta kazetari ugarik, tartean ARGIAk, Pablo Gonzalezen egoera salatu eta haren askatasuna eskatu dute.


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


Eguneraketa berriak daude