Urtarrilaren 10ean Pablo Gonzalezen egoerari buruz ebatzi beharko du Poloniako Justiziak

  • Ordurako ia urtebete egingo du Gonzalezek espetxean, Polonian kazetari lanetan ari zela poliziak atxilotu egin zuenetik. Hiru aldiz luzatu diote behin-behineko espetxealdia, azkena azaroan, eta defentsako abokatuak aldiro helegitea jarri du. Aurreko bietan ez dute arrakastarik izan, eta hirugarrena urtarrilaren 10ean ebatziko du Apelazio Auzitegiak. Bestetik, ostiralean GKSk manifestazioa egingo du Gernikan Gonzalezen askatasunaren alde.

Hamar hilabete dira Pablo Gonzalez atxilotu zutenetik, oraindik akusazio formalik gabe.

2022ko abenduaren 22an - 16:25
Azken eguneraketa: 18:01

Pablo Gonzalez kazetariari beste hiru hilabetez luzatu zion Poloniako Przemysl eskualdeko auzitegiak behin-behineko espetxealdia, atxilotu zutela bederatzi hilabete zirenean. Defentsako abokatuak helegitea jarri zion luzatzeari, baina urtarrilaren 10era arte  Rzeszów-eko (Polonia) Apelazio Auzitegiak ez du helegitea eztabaidatuko. Hirugarren aldia da behin-behineko espetxealdia luzatzen diotela, eta abokatuak hiruretan jarri du helegitea; baina ez dute arrakastarik izan. Kasua sekretupean daramate eta oraindik ez dute akusazio formalik ipini Gonzalezen kontra. 

Otsailaren 28an atxilotu zuen Poloniako Poliziak kazetaria, Ukrainako gerrako errefuxiatuen egoeraren berri ematen ari zela. Errusiarentzako espioitza lanetan aritzea leporatu zioten ordu hartan. Hemen bere kasuari buruzko erreportaje sakona. Senitartekoek argi dute Gonzalezen Espainiako eta Errusiako nazionalitate bikoitzagatik eta kazetaritza jardunagatik atxilotu dutela. Egozten zaizkion delituengatik hamar urteko espetxe zigorra ezar diezaiokete.

Hamar hilabete daramatza Gonzalezek espetxean, Poloniak akusazio formalik jarri gabe

Orain arte ia erabat isolaturik eduki dute. Gutunez soilik komunikatu ahal izan da familiarekin, azaroan bere emazte Oihana Goirienari bisita bakarra baimendu zioten arte.

GKSk manifestazioa, ostiralean Gernikan 

Busturialdeako GKS Gazte Koordinadora Sozialistak ostiralean, abenduak 23, mobilizazioa egingo du Gernikan Gonzalez askatasuna aldarrikatzeko, 19:30ean hasita Merkurio Plazatik.

Gedar kazetak jaso duenez, GKSren arabera Gonzalezen atxiloketa “informazio eskubidearen eta kritikotasunaren kontrako erasoa” da, zeinak ugaritu egin diren Ukrainako gerra hasi zenetik, “mendebaldea bere interesekoa den pentsamendu bakarra ezartzen” saiatzen ari delako.

GKSk salatu du “NATOren indartzea mendebaldearen inperialismoaren parte” dela, eta dei egin du haren kontra egitera ostiraleko manifestazioan, baita “defentsarako gastua igotzearen, jazarpen poliziaren normalizazioaren eta Ukrainako Estatu faxista babestearen” aurka ere. Gogorarazi dute Espainiako aurrekontu onartu berriek %25 handitu dutela defentsarako gastua.


Kanal honetatik interesatuko zaizu: Kazetarien aurkako jazarpena
2024-03-01 | Axier Lopez
Prentsa askatasunaren aurkako sokak ez du etenik: oraingoan AraInforen kontra jo dute

Enpresa batek kereila jarri du Aragoiko AraInfo hedabidearen eta haren bi kazetariren aurka, baita Zaragoza en Común-eko zinegotzi baten aurka. Zaragozako Udalak enpresa horri emandako dirulaguntzen inguruan, komunikabide independenteak argitaratutako informazioari... [+]


2024-02-22 | Gedar
Absolbitu egin dituzte 'Cubainformación'-eko kazetari bat eta Euskadi-Cuba elkartea

Aurreko astean, Madrilen epaitu zituzten José Manzaneda kazetaria eta Euskadi-Cubako legezko ordezkaritza, artikulu baten harira: AEBen blokeoaz hitz egiten zen idatzian. Sei urteko espetxe-zigorra eta 70.000 euro inguruko zigor ekonomikoa eskatzen zituen akusazio... [+]


2024-02-16 | Axier Lopez
Pablo González kazetariari espetxealdia luzatu diote zortzigarren aldiz

Hilaren 28an bi urte beteko ditu Poloniako kartzelan Euskal Herriko kazetariak. Poloniako justiziak ostegun honetan erabaki du beste hiru hilabetez luzatzea behin behineko espetxealdia.


Cubainformación eta Euskadi-Cuba elkarteko kideei sei urteko kartzela zigorra ezarri nahi diete

Akusazio partikularrak 50.000 euroko kalte-ordaina ere eskatu du Cubainformacióneko José Manzaneda kazetariaren aurka, erreportaje batean emandako edukiagatik.


Pablo Gonzalez kazetariak Polonian preso bi urte beteko dituela salatzeko manifestazioa deitu dute Gernikan

Otsailaren 28an bi urte beteko atxilo. Egun horretarako, Gonzalez libre uztea aldarrikatzeko manifestaziora deitu du Guernica Gernikara ekimenak.


Eguneraketa berriak daude