Otsailean atxilotu zuten Gonzalez, Poloniak Ukrainarekin duen mugan lanean ari zela. Errusiarentzako espioitza lanak egitea leporatzen diote eta behin-behineko espetxealdian daukate ordutik. Behin-behineko espetxealdia hiru hilabetez luzatzen dioten hirugarren aldia izan da ostegun honetakoa.

Inolako frogarik gabe eta bere oinarrizko zenbait eskubide urratuz daukate preso Gonzalez. Dagozkion giza eskubideak urratzen ari direla eta bere aurka abiatutako prozesu judizialak "gutxiengo justiziaren bermerik" ez duela iritzirik, Giza Eskubideen Europako Auzitegian demanda jarri zuen irailean. Orain dela gutxi arte senideekin gutun bidez soilik komunikatu ahal izan da, eta abokatuaren eta Espainiako kontsularen bisitak bakarrik jaso ditu. Astelehen honetan bertan eman diote Oihana Goiriena emazteari bisitarako baimena.