Otsailaren 25era arte Hartzaro festibala egingo du Uztaritzen Herri Soinu elkarteak
Otsailean sartzearekin batera hasi dira Uztaritzeko inauteriak. Programazioa betea antolatu dute otsailaren 1etik 25era egingo den Hartzaro festibalerako. Jaialdiak udaberriari ongietorria ematea du helburu. Tradiziozko ohitura eta egungo festa molde berriak batuta herritar guztiak festara gonbidatu nahi ditu Herri Soinu elkarteak.
Azken urtetako legez, aurten ere 250 musikari, antzerkilari eta dantzarik parte hartuko dute hilabetean zehar antolatu diren ekintzatan. Dantza emanaldi, kontzertu, jan-edan eta erakusketen artean inauteri garai honetan hainbat ateraldi egingo dituzte Uztaritzeko kaskarotek. Lehena pasa den igandean egin dute eta otsailaren 16an, 23an eta 25ean ere irtengo dira Uztaritzeko auzo eta kalera.
Egitaraua
Otsailak 1 larunbata
10:00 Hartzaro "itzaletik argira" erakusketaren irekiera Lapurdi gelan.
11:00 Ohiko Euskal Musika eta Dantza Baliabide Gunearen sorreraren inguruko solasaldia eta eztabaida.
Otsailak 8 igandea
Kaskarotak Baionan.
Otsailak 14 ostirala
18:30 Eskolako inauteriak, San Pantzarren auzia, ikasleen eta zirtzilen dantza, Ur Begi danborrada.
19:00 Aker-dantza eta hartza-dantza Izartxo dantza taldeak emanik.
19:00 Erromeria: Zeze
Otsailak 15 larunbata
Goizean zehar, kaskarotak etxez-etxe
20:30 Kontzertuak Arruntzako Elizan: Habia, Oldarra.
Otsailak 16 igandea
19:00 Tutak eta Zirt Zart: Ohitura zaharrei berriz heldu nahian, ostegun gizenez, herriko ikusgarria, toberak, sorkuntzak, Burrunka eta Afrikako danborren perkusioak, zirtzilak, Izartxo taldea...
20:00 Erromeria Latsan, Kli-k txaranga eta Nat eta Whatson.
Otsailak 21 ostirala
18:30 Ur Begiren mintzaldia Lapurdi gelan. "Le tour du Monde d'Elkano", Rafael Zulaikak emanik.
19:00 The Very Small Orchestra, Txakatuak eta Zea Mays Purgoko plazan.
1:00 Kontzertuak Uztaritzeko gaztetxean: Aizkolariak taldea.
Otsailak 22 larunbata
Goizean, mutxikoak Erdizka taldearekin Merkatuan.
16:30 dantza ikusgarria Kiroleta ezker partean: Leinua "Bi Gehio", Ezpela 50 urte "Konda'Zazi" eta Tio Teronen "Festamendua".
20:30 Bilaka dantzaldia
Otsailak 23 igandea
9:00 Kaskarotak eta kaskarot ttikiak etxez etxe Hiribehereko auzoan eta Purgon eguerditik aurrera.
10:00 Latsa txilindron sukaldaritza lehiaketa.
11:30 Eliza aurrean meza ondorenean, kaskaroten elkarretaratzea.
13:30 Latsa - Inauterietako bazkaria.
18:00 Dantzaldia Arberoako txarangarekin.
Otsailak 25 asteartea
17:45 Animazioa karriketan Zo Zongo taldearekin "Kopez Blai" kale ikuskizuna.
18:30 zirtzilek eta inauterietakoek plaza hartzen dute: dantza, musika eta auziaren hastapena.
19:30 Zanpantzar auziaren segida eta bukaera, dantzak, toberak. Aker dantza, hartza dantza, zirtzilen soka, sua dantza.
20:00 Erromeria Kiki Bordatxo taldeak alaiturik.
Gauerdian, Gaualdia Bilgunen segituko da Izartxok antolaturik Errobiko kaskaroten batzokian.
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
Irungo inauterietako kartel lehiaketa irabazi duen gizonak adimen artifizial bidez sortu du irudia, ziurtatu du Luis Doviso diseinatzaileak: “Iruzur egin du, bere burua egiletzat aurkeztu duen pertsonak ez duelako kartela egin, makina batek baizik”. Jakin gabe,... [+]
Kaskarotak eta maskaradak kasik urtearekin batera hasi dira eta jarraian etorri dira beste zenbait inauteri festa. Goiztiarrenak urtarrilean ari dira ospatzen, baina aurten inauteri gehienak datoz oso goiz. Otsailaren 8an izango da Ostegun gizena eta 13an Inaute asteartea. Hadi!... [+]
Baserriz baserri eta etxez etxe ibili ohi dira Euskal Herriko hainbat mozorro dantzan eta kantuan, trukean zerbait jasoko duten itxaropenez. Atea jo eta ezkaratzetan egin ohi da festa. Askotan atarian ez ezik etxe barruetaraino sartzen dira mozorroak eta mahai bueltan egiten... [+]