Ostegunean hirugarren greba eguna dute Arabako metalean
ELA, CCOO, LAB, USO, ESK eta CGT sindikatuek hiru greba egunera deitu zituzten Arabako metaleko langileak maiatzaren 18, 24 eta 26rako. Iragan astean zein astearte honetan milaka langile irten da kalera.
Patronalak aldarrikapen jakin batzuk onartu ditzan deitu dituzte grebak sindikatuek: 1.400 euroko gutxieneko soldata 14 ordainsaritan, eta KPIaren gaineko soldata igoerak; lanaldiaren murriztea; azpikontraten langileen subrogazioa; osasuna bermatzeko neurriak; behin-behinekotasuna eta malgutasuna mugatzea; edo hitzarmena aplikatzeko bermeak.
20.000 langile inguruk egiten dute lan Arabako metalaren adarrean. ELA, CCOO, LAB, USO, ESK eta CGT sindikatuek deitu dute grebara, eta herrialdeko enpresa nagusienetako enpresa batzordeek bat egin dute deialdiarekin, hala nola Mercedes, Aernnova, CIE Automotive, Burulan, Amurrio Ferroca, Laminaciones Arregi, edo Condesa Fabril lantegietakoek.
Aurreko bi greba egunetan milaka langile
Lehenbiziko greba eguna iragan asteazkenekoa izan zen, maiatzaren 18an. Protestak herrialdearen hiriburuan zentratu ziren eta 11:30ean milaka langilek egin zuten bat manifestazioan Gasteizko kaleetatik. Patronalak %7,87an ezarri zuen grebaren jarraipena eta "porrota" izan zela ziurtatu zuen; sindikatuek deialdiaren “jarraipen zabala” nabarmendu zuten. Astearteko bigarren greba egunean, maiatzak 24, piketeak eta mobilizazioak deszentralizatu zituzten sindikatuek, Gasteizko poligonoetan eta Arabako eskualdeetan sakabanatuz.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.