Ostalaritzako hiru langileri ia 7.000 euroko isuna ezarri die Bilboko Udalak kartelak jartzeagatik

  • Ostegunean egoera azaltzeko prentsaurrekoa egin dute Eragin Bilboko Gazte Prekarioen Asanbladako kideek. Isunak bertan behera uzteko exijitu diote Bilboko Udalari eta eta ostalaritzako langileen lan baldintzak defendatzeko dinamika indartuko dutela adierazi dute.

Artikulu hau CC BY-SA 3.0 lizentziari esker ekarri dugu.

2019ko ekainaren 27an - 16:17
Prentsaurrekoaren unean jende askoren babesa izan dute ostalariek(Argazkia: Topatu.eus)

Urtearen hasieran Eragin Bilbok bultzatuta, ostalaritzako hainbat langile saretzen hasi ziren, zeukaten egoera aztertzeko, izan ere, “turistifikazio prozesu indartsuaren” ondorioz, sektoreko langileen baldintzek okerrera egin dutela azaldu dute: “Elkartu eta berehala konturatu ginen erabat atomizatuta geunden arren, problematika beretsua partekatzen genuela. Horrekin batera, legez zegokigun ostalaritzako hitzarmena ezagutzeko aukera izan genuen, eta bertan onartuak zeuden eskubideetako asko gure lanpostuetan ikusi ere ez genituela egiten ohartzeko balio izan zigun”.

Langileen lehenengo pausua ezezagunak zitzaizkien eskubide horiek gainerako lankideekin partekatzea izan zen “sektoreko prekarietate egoera duintze aldera”. Horrela beraz, hitzarmenaren sozializazio kanpaina bat abiatu zuten eta taberna inguruetan jartzeko kartel informatiboak atera zituzten.

Kartel hauek jartzeagatik Udaltzaingoak identifikatu eta Bilboko Udalak 2.250 euroko isuna ezarri dietela salatu dute, guztira 6.750 euroko isuna jarriz. “Argi eta garbi adierazi nahi dugu, hemen eta orain, zigor hau astakeria hutsa dela eta muga guztiak igarotzen dituela".

"Ez da kasualitatea"

Kartel batzuen bidez langileek beraien lan eskubideen berri emateagatik isun hau jasotzea onartezina dela azpimarratu dute: “Ez da kasualitatea Bilboko Udalak ostalaritzako langileak jo puntuan jarri eta antolatzen hasi eta berehala erreprimitu izana. Ongi baino hobeto dakite beraien postaleko hiri hau ezin dela mantendu gure bizitzak prekarizatzen ez bada”.

Prentsaurrekoan Bilboko Udalari "isun bidegabe hauek" bertan behera uzteko exijitu diote gazteek eta ostalaritzako langileen lan baldintzak defendatzeko dinamika indartuko dutela adierazi dute.


Kanal honetatik interesatuko zaizu: Prekarietatea
2024-03-14 | Gedar
Mercadonak %40 areagotu ditu irabaziak, eta %30 Inditexek

Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.


Indarberriturik atera dira sektore publikoko langileak, hirugarren greba egunean

Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]


2024-02-27 | ARGIA
Langile bat hil da Arrasaten; urtea hasi denetik, 17

Astelehen arratsean gertatu da ezbeharra, Arrasaten, hiru metroko sakonerara erorita.


2024-02-15 | ARGIA
Langile bat hil da Olaztiko zementu-enpresa batean

Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.

 


Hiru egunetik behin langile bat hil da Euskal Herrian, urtea hasi zenetik

Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]


Eguneraketa berriak daude