Osasunbideko osteguneko greba bertan behera utzi dute LABek eta UGTk, gobernuarekin akordioa sinatuta
Gobernuak “Osasunbideko langile guztien baldintzak hobetuko dituzten proposamenak” onartu dituela azaldu du LABek, eta lortutako aintzat hartuta “arduragabea” litzatekeela osteguneko greba deialdia egitea. ELAren ustez akordioa “ hutsik dago, eta ez dakar inongo hobekuntzarik langileen baldintzetan”. LAB eta UGTren jarrera kritikatu du, eta adierazi du SAE eta CCOO sindikatuekin batera greba deialdia mantentzeko aukera aztertuko duela.
LAB eta UGT sindikatuek akordioa sinatu dute asteartean Nafarroako Gobernuko Osasun Departamentuarekin, eta ostegunerako deituta zegoen greba deialdia bertan behera utzi dute. Greba deitu duen intersindikalean gehiengoa dutenez bi sindikatuek, deialdia indargabetuta geratu da.
LABek ohar batean azaldu du akordioa. Azpimarratu du akordioak “langile guztien lan baldintzak” hobetuko dituela: “Hobekuntza horien artean, antolakuntza eta ekonomia eskaerak daude; eta, horrez gain, lan gainkargaren eta plantillen dimentsionamenduaren arloko ekimenak planteatzen diren mahai guztietan parte hartu ahal izatea, bai arreta espezializatuan bai lehen arretan”. [Akordioaren xehetasun gehiago, LABen oharrean]
Akordioa sinatuta, ostegunean greba egitea “guztiz arduragabea” litzatekeela adierazi du LABek: “ Kontuan harturik Nafarroako Parlamentua laster deseginen dutela, aurrekontua bertze interes batzuekin konprometituta dagoela eta egungo arduradunek negoziatzeko gaitasunik ez dutela, LABek guztiz arduragabetzat jo du oraingo mobilizazioei eustea”.
LABek ziurtatu du “adi” egongo dela gobernuak “adierazitako konpromisoak bete ditzan”.
ELA “edukirik gabeko” akordioaren aurka
ELAk gogor kritikatu ditu akordioa zein bera sinatu duten sindikatuen jarrera ohar batean. Sinatutakoak ez duela zehaztasunik iritzi dio ELA, ez duela Osasunbidea “ezertara konprometitzen”, eta ez dakarrela lan baldintzetan “inongo hobekuntzarik”.
LABek eta UGTk “edukirik gabeko” akordioa grebarako bi egun falta zirela sinatu izana kritikatu du ere ELAk, eta horren zergatia bi sindikatuen “autonomia faltan” kokatu du: “LABen eta UGTren jarduna EH Bildurekiko eta PSNrekiko autonomia faltak baldintzatu du”. Sindikatuak alderdi politikoekiko independente izateko beharra aldarrikatu du ELAk.
LAB sindikatuari kritika zuzena egin dio ELAk: “ Oso larria da LABek, akordioa sinatzeaz gain, greba bertan behera utzi izana, sinatu ez duten sindikatuei greba egitea galarazteko asmoz”. Greba batzordea osatzen duten gainontzeko bi sindikatuekin –SAE eta CCOO– hitz egiteko asmoa adierazi du, batetik, ostegunena bertan “akordioaren aurkako protestak” egiteko aukera aztertzeko eta, bestetik, “greba egun gehiago” proposatzeko.
Itxaron zerrendak gutxitzeko Osasunbideak hartutako estrategiak gaitzetsi ditu Plataformak
Astelehenean abiatu da sindikatuak deitutako greba eta apirilaren 6 arte luzatuko da. Lan-gainkarga salatu eta baldintzak hobetzeko eskatu dute, baita mediku egoiliarrei karrera profesionala aitortzea ere.
Ostegunean egoera hori ikertzeko eta zuzentzeko eskatu dio EH Bilduk Nafarroako Gobernuari legebiltzarreko osoko bilkuran. UPNk eta PPk bat egin dute eskaerarekin, eta Osasun Departamentuak urtebete du ikerketa gauzatzeko.
Amparo Viñualesek, Erronkariko alkateak, salatu du Erronkariko, Burgiko, Gardeko eta Bidankozeko kontsultategiek arreta txikitu beharko dutenez prebentzioan eragingo duela.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Aparteko ordu boluntarioekin betetzen ari dira medikurik gabeko zerbitzuak Elizondon. Xabi Zarandona medikuak salatu du ezinezkoa dela gaixoen jarraikortasuna bermatzea.
Kalera atera dira salatzeko Bortziri eta Baztanen mediku eta pediatren falta, itxaron zerrenda amaigabeak eta hitzorduen atzeratzea jasaten ari direla, besteak beste. “Landa eremuan bizi garenok ere merezi dugu behar dugun bezala artatuak izatea”.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Kontratazio publikoa tresna baliotsua da erakunde publikoen berrikuntza-politikarako. Elikagai jasangarrien erosketa publikoak egungo ekoizpen- eta kontsumo-ereduak aldatzeko gaitasuna du. Ospitaleak ere funtsezkoak dira horretan. Renascence ikerketak osasun-zerbitzuetan... [+]
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.
Jendez lepo egoten direnez larrialdiak, lau ordu inguruko itxaronaldiak daude “larrialdi gutxiko” egoeretan.
Urtarriletik hona ia 13.500 pertsonek egin dute proba Nafarroan, eta proba egin dutenen %95ak etxean egin du.
Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari... [+]
Horixe da Javier Remirez Nafarroako Gobernuko lehendakariorde eta Funtzio Publikoko kontseilariak iragarri duena, LABek eta Ustelkeriaren Aurkako eta Jardunbide Egokien Bulegoak egindako salaketen ondoren.