Osakidetzako iruzurrak salatzen "ausartzera" animatu du ESK sindikatuak

  • "Badago jendea kontatzen duena eta salatzera ausartzen ez dena", sindikatuko abokatu eta ordezkarien arabera. Azaroaren 16-17ko asteburuan Enplegu Publikoetarako Eskaintzaren azterketak egin zituzten, eta azterketen emaitzak aztertuko dituztela jakinarazi dute.

Igor Galarza Intxausti @IgorGalarza
2019ko azaroaren 20a
ESK sinndikatuko Julio Sanchez eta Patxi Nicolau. Argazkia: Eldiario.es

Osakidetzako lanpostu publikoen iruzurra dela eta, modu anonimoan iruzurrak salatzen dituzten herritarrak "pausu bat aurrera eman eta ausartzera" deitu ditu ESK sindikatuak, Gasteizen egin duen prentsaurrekoan. Julio Sanchez abokatuak eta Patxi Nicolau bozeramaileak adierazi dutenez, "zigor ikerketarako informazioa luzatu nahi diguten horiei anonimotasuna bermatzearen konpromisoa" hartuko du sindikatuak.

Bestalde, Enplegu Publikoetarako Eskaintzarako azterketak egin zituzten azaroaren 16-17ko asteburuan. 2018tik atzeratuta zeuden azterketak. ESK sindikatuak esan du ez dituela notak sakonki aztertu oraindik, baina "ikertu beharko liratekeen ezohiko emaitza batzuk" daudela aurreratu dute.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Osakidetzako gatazka  |  Enplegua  |  LAB  |  ESK  |  Zerbitzu publikoak

Osakidetzako gatazka kanaletik interesatuko zaizu...
Eguneraketa berriak daude