Osakidetzako langileek greba egin dute Araban
Osasun publikoak jasaten dituen “gabeziak” agerian uzteko greba deitu dute sektoreko sindikatuek EAEn, urriaren 29an Araban, azaroaren 5ean Gipuzkoan eta azaroren 12an Bizkaian. Salatu dutenez, Eusko Jaurlaritzak ez du neurririk mahairatu gabezia horiek arintzeko, “propaganda diskurtsoez harago”.
Araba, Bizkaia eta Gipuzkoako osasungintza publikoko sindikatuek grebara deitu dituzte sektoreko langileak hiru egunetan. ELA, SATSE, LAB, SME, CCOO, UGT, ESK, SAE eta UTESE sindikatuek plazaratutako agiriaren arabera, “egiturazko eta sakoneko arazoak” dituzte, “baina Osakidetzak azken urteotan ez du horiek konpontzeko inolako borondaterik izan”; adibidetzat jarri dute Lehen Arretako egoera.
Gogorarazi dute arazo horiek “urrutitik” datozela eta iaz ere beste hiru egunez greba egin beharrean aurkitu zirela beren aldarrikapenei oihartzuna emateko. Urtebete igaro da baina “hitz onak alde batera utzita” ez dute arazo horiek konpontzeko neurririk hartu denik antzeman, euren esanetan.
“EAEko osasun publikoko inbertsioa Europako batez bestekoaren azpitik dago, eta azken urteetan, gainera, gutxitu egin da –azaldu dute sindikatuek–. Desinbertsio horrek, zalantzarik gabe, eragin zuzena izan du gure osasun publikoak bizi duen egoera larrian”. Inbertsio falta hori batez ere Lehen Arretan ari da nabaritzen gehien, diotenez.
Hainbat eskari zehatz egin dituzte ataka horretatik ateratzeko: EBren batez bestekoaren pare izango litzatekeen aurrekontu partida bat onartu eta horren %25 Lehen Arretara bideratzea; lantaldea handitzea eta egonkortzea; soldatetan azken urteetan galdutako erosketa ahalmena berreskuratzea; pribatizazioekin atzera egitea; eta langileen osasuna eta segurtasuna bermatzea, “bai koronabirusarekin, baita eguneroko lanean ere”.
Hori guztia eskatzeko ekingo diete greba egunei “Eusko Jaurlaritzak mobilizazioren bidea baino ez digulako utzi”.
Osasungintza publikoaren aldeko Olatu Txuria plataformak deituta, osasun etxe duin baten eta osasungintza publikoaren aldeko manifestazioa egin dute Martuteneko, Txomiñeneko eta Loiolako bizilagun ugarik, auzo horietako kaleetan zehar. Hiru auzoetako eta hiriko beste auzo... [+]
Langileek azaldu diote Aiaraldea Komunikabideari enpresaren proposamena ez dela konponbidea eta, horren ondorioz, hirugarren greba egunari eutsiko diote.
Correosen bidalketa zerbitzuan "kaosa" eta "kolapsoa" nagusi den bitartean, enpresa publikoak Axa aseguru etxearekin akordio bat iragarri berri du. Ekainaren 1erako, Correosek Espainiako Estatu osoan dituen 800 bulegoetan Axaren aseguruak egin ahal izango dituzte... [+]
Correosen “kaos” egoera salatu zuen Gasteizko LAB sindikatuak apirilaren 16an. Hilabetetan bidalketak “kolapsatuta” egon direla jakinarazi zuen, eta Alde Zaharra, Salburua eta Santa Luzia auzoetarako soilik 10.000 posta bidalketa zeudela pilatuta... [+]
Irailetik mediku euskaldunik gabe daude Elizondoko (Nafarroa) herritarrak. Horrez gain, udan medikurik gabe geratzearen beldur da Baztango Osasun Plataforma. Ekainaren 4an, bizikleta martxa egingo dute herrian.
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Bizkaian eguneko zentro publikorik ez duen eskualde bakarra da. Elkarretaratzea eginen dute apirilaren 27an, 12:00etan, Sopelako (Bizkaia) Udaletxeko plazan.
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]
Lantegia espazioa, Esperantza liburutegia, Arte Ederren Museoko eta Euskal Museoko lanak, Urdaibaiko Guggenheim proiektua... Ugari dira Bilbon eta Bizkaian kulturaren ikuspegi utilitarista eta pribatizazioa agerian uzten dituzten adibideak. Alde Zaharreko haur eta gazteentzako... [+]
Danimarkatik iritsi zaigu berria: 400 urtez estatuak eskainitako zerbitzua etengo du PostNord enpresa publikoak, eta eskutitzak banatzeari utziko dio 2025 urtea amaitzean. Gobernuak adierazi du enpresa publikoak negozioa paketeak banatzera bideratuko duela. Bi arrazoi eman ditu... [+]