Eguzki:

"Oria zabortegi bihurtuta dago Beasainen"

  • Talde ekologistak ohartarazi du ibaiko bazterrak hondakinez beteta daudela eta Beasaingo Udalari eskatu dio garbitu ditzala, "zabor horiek itsasora iritsi baina lehen"

ARGIA @argia
2019ko urriaren 17a
(Argazkia: Eguzki)

Beasaingo Joxe Martin Arana kaletik Oria ibai ertzera doan eremua zaborrez gainezka dagoela azaldu du Eguzkik. Grabaturiko irudietan ikus daitekeenez, plastikoak, etxeko tresnak eta altzairu handiak ere badaude ezezagunek jaurtita.

Eguzkiren esanetan, udalak Gipuzkoako Aldundiarekin eta Eusko Jaurlaritzako Ura agentziarekin bat eginda hartu beharko lituzke halako kutsadurak saihesteko neurriak, baina ardura udalarena dela dio: "Ez du balio pilota besteari pasatzea". Bere esanetan, "noizean behin" ibaia garbitzea ez da soluzioa eta, besteak beste, burdin-sareak jartzeko eskatu du, Azkoitian, Azpeitian, Tolosan, Zestoan eta beste hainbat tokitan egiten ari diren bezala.

Horrez gain, eguneroko praktikekin ibaian eta itsasoan sortzen dugun kutsaduraz herritarrak heztea eta "tokatzen denean" zigortzea da erronka nagusietakoa Eguzkiren esanetan. "Baina ezer baino lehen, Udalak etsenpluaren bidez predikatu behar du eta ibaia garbitzeari ekin behar dio".

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ibaiak  |  Beasain

Ibaiak kanaletik interesatuko zaizu...
Eguneraketa berriak daude