Isurketa berria jazo da Nerbioi ibaian, Aiarako Markijana auzoan

  • Arrain hilak eta bitsa azaldu ziren Nerbioi ibaian iragan aste bukaeran, Markijanako industriagunearen parean, hain zuzen ere. Ertzaintzak ikerketa abiatu du isuriaren nondik norakoak argitzeko.


2022ko azaroaren 03an - 13:10

Isurketa berria gertatu da Nerbioi ibaian, Aiarako Markijana auzoko industriagunetik gertu. Urriaren 29an bisa eta arrain hilak azaldu ziren bertako uretan, baita hegazti hilak ere.

Auzokideek "isuria ikusgarria zela" adierazi diote Aiaraldea Komunikabideari. Hain zuzen ere, bizilagunak izan ziren URA agentzia ohartarazi eta salaketa aurkeztu zutenak.

Ertzaintzako Ingurumen Sailak ikerketa abiatu du isurketaren nondik norakoak argitzeko. Datozen asteetan emango dute informazio gehiago.

Arabako Foru Aldundiak arrain hilen laginak hartu eta animalia hilak erretiratu ditu honezkero. Ura Agentziak, bere aldetik, ikuskariak bidali ditu ingurura eta isuriaren laginak hartu ditu hauek ikertzeko.

Isurketa gehiago

Azken urteetan isurketa ugari jazo dira Nerbioi ibaian. Duela urte batzuk milaka arrain hil azaldu ziren Aretan. Urte berean, Amurrion ere arrain hil andana azaldu ziren, beste isurketa baten eraginez. Datuen arabera, 8.000tik gora ziren hildako arrainak.

URA Agentziak Aiala Vidriori, Aceralavari eta Laudioko Udalari zigorrak ezarri dizkie 2017tik gaurdaino, isurketa anomaloak tarteko. Amurrio Ferrocarril y Equipos, Tubacex, Castinox, Jez, Nubiola eta Guardian enpresek ere agentziaren errekerimenduak jaso dituzte sustantzia kutsakorrak ibaira isurtzeagatik.


Kanal honetatik interesatuko zaizu: Kutsadura
Giza karenan ere aurkitu dituzte mikroplastikoak

AEBetako ikertzaile-talde batek 62 giza karena edo plazenta analizatu ditu, gas-kromatografia eta masa-espektrometria baliatuta, eta frogatu du lagin guztietan mikroplastikoak zeudela. Toxicological Sciences aldizkariak argitaratu du ikerketa. Haren arabera, karen batzuetatik... [+]


2024-02-09 | Euskal Irratiak
Alice Leiziagezahar, Europa Ekologia-Berdeak
"Pestizidek ez dute laborarien egoera hobetuko, haien osasuna okertuko baizik"

Laborariak karrikara atera dira Europa osoan, bizi eta lan baldintza hobeak aldarrikatzeko. Mobilizazioek eragin duten krisi politikoari, pestizidak apaltzeko planaren gibelatzearekin iharduki dio Europako Batzordeak.


Arbonako eskolara bideratu lurren kutsadura aztertzeko eskatu du Paueko Administrazio Auzitegiak

40 urtez zabortegi gisa erabilitako eremu batean ari dira eskola publikoa eraikitzen. Kutsadura arriskuak kontuan harturik, leku aldaketaren alde dabil borrokan Hats Berri Bat Arbonari deitu oposizioko taldea. 2024ko irailean abiatuko den ikasturterako bukatu nahi ditu obrak... [+]


Pelletak eta mikroplastikoak jasotzea, ohiko zeregina 'Mater'-entzat

20 urte baino gehiago daramatza euskal kostaldea inguratzen duten itsas hondakinak biltzen, tartean, palletak eta mikroplastikoak. Oraindik plastikozko bolatxoak gurera iritsi ez badira ere, "edozein unetan" iritsi daitezkeela ohartarazi du.


Eguneraketa berriak daude