Opuseko Irabiak eta El Redinek Batxilergoko notak puzten dituztela salatu du Nafarroako Arartekoak
Iruñeko ikastetxe kontzertatu ezagunak dira biak, eta Batxilergoko ikasleen notak puzten dituztela sumatuta, Arartekoak bi eskola horien jarduna azter dezala eskatu dio Nafarroako Hezkuntza Departamentuari.
aurre egingo dieten hedabide independenteak
Herritar batek salatu zuen Arartekoaren aurrean desproportzio handia zegoela bi eskola horietako Batxilergoko ikasleen batez besteko kalifikazioa eta Unibertsitatera Sartzeko Ebaluazioko (USE) notaren artean. Kasua aztertu eta honako galderara iritsi zen Arartekoa: "Nola liteke Nafarroako bi ikastetxek sei urtez Batxilergoko nota onenak ateratzea eta, aldiz, ez gertatzea berdin USEko kalifikazioekin?".
Arartekoaren azterketaren arabera, oro har, Nafarroako ikastetxeetako Batxilergoko kalifikazioak hobeak dira USEkoak baino: bien arteko batez besteko aldea 0,58 puntukoa da. Miravalles-El Redín ikastetxean, ordea, 1,18-1,32 puntu hobeagoa izatera iristen da, hau da, beste ikastetxeetan baino bikoitza eta ia hirukoitza hobea.
Kontuan izan behar da unibertsitate publikora sartzeko aintzat hartzen dela Batxilergoko nota (%60) eta USEkoaren (%40) batez bestekoa, eta, beraz, Batxilergokoa neurriz kanpo puztuz gero, desberdintasunak sortzen direla unibertsitatera sartzeko eskubide berdintasunari dagokionez.
El Redinen aztertutako sei ikasturteetan, hango ikasleek beti lortzen dituzte nota onenak, 8,2 eta 8,59 artekoak. USEkoetan, aldiz, ikasturte batean bakarrik lortu dute gorenean egotea; gainerako ikasturteetan, adibidez, 3., 4. edo 10. lekuan geratu dira. Horietako urte batean 18. postuan geratzen da USEn, 7,03ko notarekin eta Batxilergoan 8,5 lortzen du, hots, 1,5 puntu gehiago.
Irabia-Izaga ikastetxean ere antzeko egoera ematen da. Batxilergoko notetan, gehienetan bigarren postuan geratzen dira hango ikasleak, 7,75 eta 8,45 arteko notekin. USEko emaitzetan, aldiz, beti 7. postutik atzera geratzen dira. Oro har, USEko notetan 6,3 eta 7,4 artean lortzen dute.
Hezkuntzak muzin egin dio gomendioari
Datu horiek guztiak ikusita, bi ikastetxe horien jarduera ikuskatzeko eskatu zuen Arartekoak otsailean Nafarroako Gobernuko Hezkuntza Departamentura bidalitako idazkian. Martxoan erantzun zion Carlos Gimeno Hezkuntza kontseilariak, esanez dagoeneko ikuskatzen dituela ikastetxe horiek, beti ere haien autonomia errespetatu, eta beraz, ez diola jaramonik egingo Arartekoaren gomendioari.
Erantzuna ikusita, ika-mika sortu da Arartekoa eta Hezkuntza Departamentuaren artean. Arartekoak eskatu dio sailburuari eman diezaiola Hezkuntza Kontseilaritzak ikastetxe horietan azken sei urteetan egin duen ikuskaritzaren berri zehatzagoa. Hezkuntzak ez dio oraindik erantzun, eta Arartekoak, temati, bigarrengoz eskatu dio erantzuna sailburuari. Pilota, beraz, une honetan Hezkuntza Departamentuan dago.
EHU-Palestinak agerraldia egin du gaur, Ignazio Barriola ikasgelategian; sarearen jardueraren berri emateaz gain, EHUko errektoretzarekin izandako harremanak jakitera eman nahi izan dituzte, eta emaitza horien inguruko posizionamendua ezagutarazi.
Espainiako Estatuko presidente Pedro Sanchezek duela sei hilabete agindu zuen “txiringito pribatuei” muga jarri behar zitzaiela. Tamaina, irakasleak, ikerketa eta finantziazio kaudimena dira ezarri berri diren oinarrizko baldintzak.
ARGIAren komunikazio proiektua barrutik ezagutu eta kazetari gisa trebatzeko aukera zabalduko dugu. 2026an gure erredakzioan praktikak egin nahi badituzu, animatu eta aurkeztu zaitez azaroaren 6an egingo dugun azterketara. Kazetaritzako, Ikus-entzunezko Komunikazioko,... [+]
Haurreskoletatik unibertsitateraino, hezkuntza sistema osoan egun osoko grebara deitu dute sindikatuek Hego Euskal Herrian, Palestinarekin elkartasunez. Urriaren 15erako lantokietan deitu dituzten lanuzte eta mobilizazioak indartzera dator deialdia.
Eskolak gero eta arazo psiko-sozial eta emozional gehiago antzematen dituen garaiotan, zein dira ikasleek azaleratzen dituzten korapilo nagusiak? Nola kudeatzen dute hezitzaileek hori guztia eta noraino iristen da eskola? “Hainbat kasuk gainezka egiten digu, baina ezin... [+]
Konplitu da Txirritaren esana: ‘Nire aipamenak izango dira / beste laurogei urtean’. 1936an hila, txitean-pitean dabiltza oraindik haren bertsoak. Horixe bera da Rekarteren kasua. 50 urte baino gehiago dira Arabako lautadan Aguraingo eta Araiako ikastolak sortu... [+]
Heziketan egin beharreko aldaketak etengabe dira hizpide, gizarte-eraldaketari begira heziketak duen garrantziaz jakitun, horra begira jarri beharra duelako modu batean ala bestean bizitza-eredua aldatu nahi duen edozeinek. Eginkizun horretara jarritakoan, baina, curriculumaz... [+]
Ikastetxean nolako jolastokia nahi duten gogoetatu eta proposatu dezakete Iruñeko Haur eta Lehen Hezkuntzako eskola publikoek. Horietako bi proiektu hautatu eta martxan jarriko ditu udalak datorren ikasturtean bertan, profesionalek lagunduta. Hainbat eskolak “ez du ez... [+]
Eusko Jaurlaritzak "Eskola inklusibo, ekitatibo eta kalitatezkoaren aldeko mahai" berria osatu duten gizarte-eragileei Euskadiko eskola-segregazioaren hasierako diagnostikoa eta erantzuna izeneko txostena banatu die, eztabaidatu eta adostasunak lortzeko. Debateak, beraz,... [+]
"Ikasleok ez dugu genozidioa onartzen; ikasleok Flotilla babesten dugu; ikasleok ez dugu Trumpen planean sinesten, eta Palestina askatu nahi badugu, Israelen aurka borrokatu eta Israel suntsitu behar dugu", azaldu du IAk.
Hemeretzi herritan izango dira IAk antolatutako mobilizazioak, "Israelgo Estatu sionista eta terroristaren genozidioa salatzeko".
Batzuentzat, erakargarria, motibagarria, parte-hartzailea eta dinamikoa; besteentzat, nahasgarria, konplexua, zentzu pedagogiko argirik gabeko jolasa. Matematika ikasteko Euskal Herriko gero eta ikastetxe gehiagotan sartzen ari den Innovamat metodologiak iritzi kontrajarriak,... [+]
Oso orokortuta dagoen praktika apurtu duten kasu bakan batzuen berri izan du ARGIAk: 3 urteko ikasgeletako irakasleek eurek erabakita, aurten ez dute egokitzapenik egin gela horietan. Non da egokitzapena borondatezkoa, zer dio legeak eta zer adituek? "Beti eman behar da... [+]
Nafarroako Hezkuntza Departamentuak 3 urteko geletako ratioa 20 umera jaistea hitzartu berri duenean, bestelako errealitatea salatu dute Irurtzungo Atakondoa ikastetxeko gurasoek: tutore bakarrak behar ugari dituzten 24 umeren aniztasunari erantzun eta akonpainamendu egoki eta... [+]
Ikasleen gurasoek salatu dute garraio publiko zuzenik ez dagoela eskualdetik Kanpusera heltzeko eta Renferen zerbitzuak luzatzen duela egunero bidaia, ia lau ordura heldu arte.