Ontzi bat hondoratu da Marokoko uretan, 86 pertsonarekin
22 pertsonaren hilotzak aurkitu dituzte Marokoko kostazainek, eta gainontzekoak desagerturik segitzen dute.
86 migratzaile zeramatzan eta Kanarietara zioan ontzi bat hondoratu da Marokoko uretan. Marokoko kostazainek 22 hilotz berreskuratu dituzte: 21 emakumerenak eta bi urteko neskatoarena. Beste gorpurik ez da aurkitu momentuz.
Helena Maleno Giza Eskubideen Defendatzaileak jakinarazi duenez, ontzian zioazen 86 pertsonetatik 36 emakumeak ziren, eta hamahiru adin txikiko neskatoak. Gehienak Ginea eta Boli Kostakoak ziren. Mugetan bizia galtzen duten emakumeak asko direla salatu asmoz, Malenok azpimarratu du hilda agertu den bi urteko haurra Nadorren (Maroko) jaioa zela, bere amak hara migratu zuelako haurdun zegoenean, jaioterritik ihesi.
Etenik gabe errepikatzen den ezbeharra
Pertsona migratzaileen eskubideen aldeko Caminando Fronteras kolektiboko parte da Maleno. Kolektiboaren arabera, 2021an 2.000 pertsona hil edo desagertu dira Kanarietara bidean. Igandean bertan jakinarazi zuten hamabi egunez itsasoan galduta egondako ontzi bat aurkitu zela, bertan zioazen 55 pertsonetatik 29 hilak zeudela. Zortzi adin txikiko zeramatzan ontziak, eta bakarrak lortu zuen bizirautea.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]