Migrazio politikak gogortzeko eskuin muturrarekin bat egin du Portugalgo Gobernuak
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna lortzea zailagoa izango dutea eta senideekin elkartzeko traba burokratiko handiagoak ezarriko dizkiete.
aurre egingo dieten hedabide independenteak
Portugalgo Alderdi Sozialdemokratak eta maiatzeko hauteskundeak irabazi zituen CDS-Alderdi Popularrak osatzen dute 2024tik herrialdea gobernatzen duen koalizioa. Asteazkenean André Venturaren Chega eskuin muturreko alderdiarekin batera babestu dute migrazio politiken lege erreforma, horrela, legebiltzarreko 230 diputatuetatik 151k onartu dute proposamena. Boto gehien dituen bigarren alderdiak, Alderdi Sozialistak, gobernuarekin ohi duen kolaborazio rola apurtu du eta abstenitu egin da.
Atzerritarren Legearen erreformak hainbat aldaketa ezartzen ditu, horietatik hiru nabarmendu daitezke. Batetik, estatuaren mugak zelatatzeko dibisio berezitu bat sortuko du Poliziak. Migratzaileen sarrera kontrolatu eta herrialdera sartzeko baimenik ez duten pertsonak deportatu ahalko ditu, eta bisak jaulkitzeko eskumena ere izango du. Bigarrenik, lege berriak nazionalitatea lortu duten pertsona migratuei "delitu larriak" eginez gero pasaportea kentzeko aukera ematen du. Hirugarrenik, Portugalen bizi diren migratzaileen senideei herrialdera joateko baimenak lortzea zailtzen du. Gutxienez bi urtez bizi beharko dute Portugalen senideekin elkartzeko tramiteak egiteko, bizitokiak "segurtasun eta osasun neurri" zehatz batzuk bete beharko ditu, eta diru laguntzarik gabe bizirauteko baliabide nahikoak dituztela frogatu beharko dute.
Marcelo Rebelo de Sousa errepublikako presidentearen eskuetan dago lege berritua, eta honek aukera du onartzeko, legebiltzarrera itzultzeko, edo Auzitegi Konstituzionalaren eskuetan uzteko. La Vanguardia-k argitaratu duenez, Auzitegi Konstituzionalaren eskuetan uzteko asmoa daukadala adierazi du, beraz, ez luke berak onartuko.
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Gipuzkoako Foru Aldundiak eta Donostiako Udalak Oñatiko Arantzazu egoitza eskaini dute maliar migratzaileentzat. Bertan geldituko dira Espainiako Gobernuak haien asilo eskariak ebazten dituen bitartean.
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]
Migratzaileak deportatzeko neurriez mintzatzeko, EB Europako Batasuna osatzen duten 27 estatuetako Barne eta Migrazio ministroak bildu dira asteartean, Kopenhagen. Ondorioztatu dute EBko herrialde gehienek babesten dutela etorkinak deportatzeko neurriak gogortzea... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Frantziako Estatutik kanporatu zituzten, asilo-eskaerak Espainiako Estatuan egin behar zituztela esanez. Asteak daramatzate zain Donostiako Amara auzoan.
Euskal Herritik eta Kataluniatik abiatu da aurtengo Mugak Zabalduz karabana. Calaisko itsasartea, Frantziako Estatuan du helmuga, giza eskubideak bermatzea eta berehalako erregularizazioa eskatzen ditu besteak beste.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
"Oxala Mediterraneoko herrialdeek beren betebeharrak beteko balituzte, eta bilaketa eta erreskateko uretan eskura dauzkaten operatibo guztiak martxan jarriko balituzte, jendeak itsasoan arriskurik izan ez dezan". Mikel San Sebastian Aita Mari erreskate ontziko kidearen... [+]
Bestea”-k gogaituta du gizateria, duena kenduko dio, duena eraldatuko du, kutsatuko du... “Bestea”-k definitzen gaitu... baina “bestea” denok izan gaitezke.
Egun, nor da “bestea”? Nork seinalatzen du izan behar ez dena?
Zapalduen... [+]