Ongarri kimikoetan ere kutsatzaileak kutsadura kontrolatzen: Tejerina ministro espainiarraren kasua

  • Europako nekazaritza industrialak ongarri kimikoekin gehiegi kutsatzen duela eta Europako Batzordea hasi denean fosfatoek daramatzaten metal astunak mugatu nahian, Espainia atera da kontra. Kasualitatea? Ez dirudi: kutsaduraren kontrolak arazoak sortuko lizkiokeen Fertiberia industriaren buruetako bat da Isabel Garcia Tejerina nekazaritza ministroa.

Pello Zubiria Kamino @pellozubiria
2018ko otsailaren 19a
Isabel Garcia Tejerina Nekazaritza ministroa 'Fertiberia' ikerketa sarien banaketan 2017an. (Argazkia: Espainiako Gobernua)

Eldiario.es hedabideak xehetasun garrantzitsuak eskaini berri ditu gaiaz “Tejerina ministroak, industria agrokimikoko zuzendari ohia izanik, galga jarri nahi dio Europako ongarri kimikoetako toxikoak  gutxitzeari”. Joan den astean ARGIAn Maddi Txintxurretak plazaratu bazuen “Pestiziden arriskuez babesteko arauak pestiziden egileek idazten dituzte”, gauza bera ari da gertatzen ongarri kimikoen arloan ere. Enpresatik politikara eta politikatik enpresara sartu-irtenean dabiltzanen ‘ate birakari’ edo ‘ate errotak’ dira gakoa.

Oraingoan Europak nahi du nagusiki Magrebetik –Maroko, Mendebaldeko Sahara…- ekarritako fosfatoz ekoiztutako ongarrik daramaten kadmioa kiloko 75 microgramoetatik 20ra jaistea. 12 urteko epe lasaia proposatu duen arren, laburregiak dira horiek ere, antza, Espainiako industrialentzako. Isabel Garcia Tejerinak gauzak bere horretan mantentzeko eskaria luzatu dio Europara. Kontua da Tejerina izan dela ministro izan aurretik –eta Aznarren garaietan gobernuko goi kargu izan ostean- Fertiberia enpresako zuzendaritzan estrategia buru nagusi.

Nekazaritza industrialean eta oro har ongarri kimikoak erabiltzen dituzten baserritar eta ortuzainen artean hain erabiliak diren fosfatoen kadmioa ez da gauza hutsala, metal astun hori hainbat kantzerrekin lotzen baita aspalditik eta kadmioa gizakiaren soinean sartzeko bide ohikoena janaria izan ohi da. Baina gizakien osasunak baino gobernuen erabakietan industrialen interesak garrantzitsuagoak izaki, Tejerinak Europari eskatu dio gauzak dauden-daudenean lagatzeko, zeren eta bestela Europan atzerritik ekarrita ekoizten diren fosfatoak garestiegi geratuko liratekeelako, tartean Fertiberia bere konpainiarena. Herritarrak argudio hau gogoan eduki beharko luke, azienden simaurrez edo etxeetako hondakin organikoz egindako konpostarentzako merkaturik ez dela berriro entzun beharko duenerako.

Garcia Tejerinak badauka beste eskandalu bat edozein unetan leher dakiokeena, baldin eta epaileek beren lanean jarraitzen badute: Fertiberiak  Aljerian zenbait goi funtzionario eta militar 19 milioi eurorekin erosi zituela eta, ikerketa bat dauka zabalik Madrilgo Entzutegi Nazionalak. Soborno horiek gertatu ziren Tejerina zenean Fertiberiaren Aljeriako filialaren kontseilari ordezkari.   

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kutsadura kimikoa  |  Ustelkeria

Kutsadura kimikoa kanaletik interesatuko zaizu...
Plastiko birziklatua duten jostailuek toxiko arriskutsuak dituzte

Europako ikertzaile talde batek, Ekologistak Martxanekin elkarlanean, jatorria hondakin elektronikoetan duten toxiko arriskutsuak aurkitu dituzte birziklaturiko plastikoetan, hala nola, jostailu edota kontsumorako saltzen diren beste hainbat produktutan.


"Mitxoletak nahi ditugu", pestizida guztiak orain debekatzeko aldarria

Urriaren 5ean milaka pertsona bildu dira Frantziako Estatuko hirurehun hiri eta herri baino gehiagotako udaletxeen aurrean, "Nous voulons des coquelicots" (Mitxoletak nahi ditugu) deialdiarekin bat egiteko. Bi urte iraungo duen kanpainaren antolatzaileek ez dute huskeria eskatzen: pestizida kimiko guztiak debekatzea eta oraintxe bertan. Bioaniztasunaren hondamendiari eta gizakien pozoiketari behingoz erremedioa jartzea aldarrikatuko dute hileroko lehen ostiraletan.


EAEn 'fracking'-a abiarazteko urrats berriak egin ditu Jaurlaritzak: zundaketak baimendu Bizkaia eta Gipuzkoan

Eusko Jaurlaritzak baimena eman du Bizkaia eta Gipuzkoako 1.300 kilometro koadrotan zehar lurpean egon daitezkeen erregaien bilaketan ikerlan eta zundaketak egiteko. Zundaketa lanetan "fracking" teknika erabiliko ez dela aipatu den arren, zundaketa berriok dira urrats garrantzitsu bat Ibarretxeren garaietatik teknika horrekin hidrokarburoak ustiatzeko Jaurlaritzak egindako apustua aurrera eramateko.


2018-09-26 | Nahia Ibarzabal
Monsantok sortutako glifosato herbizidaren ondorioz milaka milioi erle hil dira

AEBetako Texaseko Unibertsitatean egindako ikerketa baten emaitzek erakutsi dute, glifosatoak murriztu egiten dituela erleen hesteetako bakteria osasuntsuak.


2018-09-18 | Zero Zabor
Zabalgarbik 2005etik 600.000 tona eskoria lurperatu ditu kontrolik gabe, salatu du Zero Zabor Bizkaian-ek

ZZB Zero Zabor Bizkaian plataformak salatu du 2005etik gaurdaino Zabalgarbi erraustegiak 600.000 tona eskoria –hondakin nahasiak erretzeak utzitakoak– isuri dituztela Bizkaiko zabortegietan eta hori kontrol egokirik gabe egin duela, prozesuaren kalitatea bermatzen duen Gaiker fundazioak horretarako legezko akreditaziorik ez daukalako.


2018-09-12 | ARGIA
Fabian Tomasi hil da, agrotoxikoen eta transgenikoen kontrako borrokan erreferentea

Soja laborantzara bideratutako nekazaritza estentsibo landa batean egin zuen lan Tomasik. Landa gunea fumigatzeko erabiltzen ziren agrotoxikoek eragindako gaixotasunaren ondorioz hil da.


Dewayne Johnsonen minbiziak balioko ote du Roundupa debekatzeko?

Monsantok 289 milioi dolar ordaindu beharko dizkio San Frantziskoko udal langile bati Roundup herbizidak eragin duelako gizona hil-hurren daukan minbizia. Hala ebatzi du abuztuaren 11n Kaliforniako epaitegi batek. Epai historikoak berriro atera du eztabaida publikora munduan gehien kontsumitutako herbizida kimiko aspalditik susmagarria. Balioko du nekazaritza industrialaren oinarrietako bat dena debekatzeko? Ala nekazari profesional eta amateurrek jarraituko dute itsu erabiltzen?


2018-08-27 | ARGIA
Roundup pozoi dosi handiak aurkitu dituzte gosaritako hainbat zerealetan

Glifosato arrastoak aurkitu ditu hainbat zerealetan ingurugiroaren gaineko ikerketa eta aktibismo talde batek, AEBetan egindako azterketa batean.


2018-08-20 | Euskal Irratiak
Mikel Iribarren "Monsantok hiltzen du, Monsanto hil behar dela hain segur "

Estatu batuetan izan den auzi erabakia, azkarra da. Kaliforniako justiziak, 289 milioi dolarreko isuna pagatzea kondenatu du Monsanto, gaur egun Bayerren esku dena. Roundup produktuaren lanjerra onartu du auzitegiak, baratzezain honi. 1984 urtetik susmoak badira, glifosatak sortzen duen minaz, bainan lehen aldia da kondenatua dela horretarako.


2018-07-11 | ARGIA
Paue ondoko planta kimiko bat itxi dute onartua baino 7.000 aldiz gehiago kutsatzeagatik

Sanofi farmaziako multinazionalak Paue ondoko Mourencs –Mourenx– herrian daukan lantegi kimikoa itxi dute, France Nature Environement koordinadura ekologistak salatu ostean azken aldian airera jaurtitzen duela onartuta daukan isuria bider 7.000. Lacq polo kimiko polemiko eta kutsagarrian dago Sanofiren fabrika.


Eguneraketa berriak daude