“Oierren askatasuna lortzeko, elkartasuna indar bilakatzeko beharra ikusi dugu”
Asteazkenean sortu zuten Gasteizen Oiertxo SOS plataforma Oier Gomez preso eria berriz etxera ekartzeko. Frantziako Estatuko Meaux-Chauconin-Neufmontiers kartzelan dago preso Gomez. Minbizia duela eta, “oso larri” dagoela esan dute plataforma aurkezteko prentsaurrekoan. Aritz Sukia, plataformako kideak gure galderak erantzun ditu:
aurre egingo dieten hedabide independenteak
Zein da Oierren egoera?
2013 urtean linfoma bat topatu zioten eta hemezortzi kimioterapia sesio jaso zituen. Bi urte igaro zituen frogak egiten, eta gaitza sendatutzat eman zuten. Urtarrilaren 10ean, urgentziaz bidali zuten ospitalera. Hilabete zeraman bizkarrean sekulako minarekin, ezin zuen ezta zutik jarri ere. Han eskaner bat egin zioten eskuak lotuta zituela, eta sarkoma bat aurkitu zioten bizkarrean. Zuzenean Parisko ospitalera eraman zuten, eta beste eskaner bat egiten zioten, berriz ere hankak eta eskuak lotuta. Sarkoma kentzeko ebakuntza egin zioten, baina ez zuten lortu guztiz kentzea nerbioetara itsatsita zegoelako, eta paralisi bat eragin ziezaiokeelako. Horren ostean eskaner gehiago egin zizkioten, eta sarkoma gehiago aurkitu zizkioten buruan, bizkarrean eta aldakan. Momentuz dakiguna da buruko sarkoma hazi egin dela eta erradioterapia ezarriko diotela, bizkarrekoa txikitu egin dela kimioterapiarekin, eta aldakakoak berdin jarraitzen duela.
Nola sortu da Oiertxo SOS plataforma?
Badira aste batzuk Oierren egoera publikoa dela, eta senide eta lagunak elkartasun handia jasotzen ari ginen. Elkartasun guzti hori indar bilakatzeko beharra ikusi genuen, Oierren askatasuna lortu, etxera ekarri, eta egokia den tratamendua jasotzeko. Biltzea erabaki eta norbanakoz osatutako plataforma hau sortu genuen.
Zer egingo duzue Oierren askatasuna lortzeko?
Indarrak bildu nahi ditugu lehenbailehen. Egoera zabalduz, eta propaganda eta kontzentrazioak eginez, presio soziala lortu nahi dugu. Hainbat ekimen antolatu ditugu, Gasteizen apirilaren 22an elkartasun eguna egingo dugu, ostegunero Oierren auzoan kontzentrazioak egingo ditugu Iparraldeko gizarte etxearen plazan, eta igande honetan mendi martxa egingo dugu Zaldiaran mendira, Oierri hara joatea gustatzen baitzitzaion. Gizarte osoari dei egiten diogu Oierren askatasunaren alde lan egiteko. Badira beste eragile batzuk preso erien gaia lantzen, horien artean Oierren kasua, eta deialdi horiek guztiak babestera dei egiten dugu ere.
Zein erantzun eman du Frantziako Estatuak?
Oier askatzeko eskaera eginda dago. Aurreikusten dugu apirilean erabakiko dutela Oierri zigorra bertan behera utziko dioten ala ez. Bere konfiantzazko medikuek, eta bera Parisen tratatzen ari diren medikuek diote ez direla bateragarriak preso mantentzea eta tratamendu egokia jasotzea.
Uste duzue askatzea erabakiko dutela?
Uste dugu baietz, eta horretarako ari gara lanean, baina erabakia Frantziako Estatuarena da.
Ezin da gehiago luzatu lelopean, presoentzako espetxe politika arrunta ezartzea eta iheslarien eta deportatuen itzulera eskatuko dituzte Bilbon, urteroko legez. Horrekin batera, presoen eskubideak defendatu eta, batez ere, Euskal Herrian “konponbidearen, bakearen eta... [+]
Jose Mari Dorronsoro preso politikoak Frantziako Estatuan bete zuen zigorra aintzat hartu ondoren, aske utzi zuten abuztuan, Etxerat elkarteak jakinarazi duenez.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Hirugarren graduan dagoen preso baten eta bere ilobaren mendi bueltan girotutako laburmetraia aurkeztu du Hatortxurockek. Kalera irteten diren presoei harrera duina emateko beharra aldarrikatu nahi dute lan honekin.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.