Odol emateak gora egin du Nafarroan
2021ean 24.830 odol emate egin zituzten Nafarroan, aurreko urtean baino %7,5 gehiago. Odol Emailearen Egunean, herritarren erantzunarekin pozik agertu dira Nafarroako Odol Bankua eta Odol Emaileen Elkartea.
Odola ematea elkartasun ekintza dela gogoratu dute elkarteek: “Egunero bizitzak salbatzea lortzeko odola ematen duten pertsonei beren ahalegina eta konstantzia eskertu nahi diegu, aurten inoiz baino gehiago”.
13.640 herritarrek hartu zuten parte: zehazki, 21.933 odol emate, 2.897 aferesi emate eta norbere buruarentzat gordetzeko 6 odol emate erregistratu ziren. Nafarroa izan da pertsona bakoitzeko batez beste odol emate gehien egin dituen erkidegoa, Espainiako Estatuan.
2021ean, 1.833 lagunek lehen aldiz eman zuten odola. Gehienek 18 eta 29 urte artean zituzten eta erdia baino gehixeago emakumeak ziren.
Adona Odol Emaileen Elkarteak 300.820 euro jasoko ditu aurten Nafarroako Osasun Departamendutik, odol ematea sustatzeko. Helburua da 22.000 odol emate eta gutxienez 3.500 aferesi emate bermatzea. Hezur-muina emateari dagokionez, 525 hezur-muin lortzea da erronka.
Jaurlaritzari koloreak atera dizkio Espainiako Gobernuak: Osakidetzak iragarri berri duenean jaioberriei egiten zaien orpo-proban hamalau gaitz antzeman ahalko direla aurrerantzean, gutxienez 22 gaitz behatu beharko ditu, Madrilen aginduz. Nafarroak dagoeneko 30 gaixotasunen... [+]
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Espetxeetako osasun zerbitzuaren gabeziez mintzatu da Libertad Francés Lecumberri, Salhaketa Nafarroa elkarteko koordinatzailea: “Osasun arloko langileak espetxeko logikekin eta irizpideekin kutsatzen direnean, zenbait eskubideren bermatzaile izan beharrean,... [+]